هــــه‌واڵ كــوردى
پێشمه‌رگه‌: گله‌وخواردن هيزه‌يلمان مه‌رج سه‌ره‌كيه‌ وه‌ل به‌غدا

پێشمه‌رگه‌: گله‌وخواردن هيزه‌يلمان مه‌رج سه‌ره‌كيه‌ وه‌ل به‌غدا


شه‌فه‌ق نيوز/ جه‌بار ياوه‌ر ئه‌ميندار گشتى وزاره‌ت پێشمه‌رگه‌، جه‌خت له‌وه‌ كرد ك يه‌كيگ له‌ مه‌رجه‌يل سه‌ره‌كى كورد ئه‌را به‌شدارێ له‌ حكومه‌ت تازه‌ى ناوه‌ندێ ك له‌لايه‌ن شاند كورده‌و باس ئه‌كريه‌ێد له‌ به‌غدا گله‌وخواردن هيزه‌يل پێشمه‌رگه‌س ئه‌را ناوچه‌يل كيشه‌له‌سه‌ر جوور جاران وه‌رجه‌ روێداگه‌يل 16ى ئوكتۆبه‌ر ساڵ گوزه‌يشت.

 

ياوه‌ر وت: بايه‌سه‌ هيزه‌يل پێشمه‌رگه‌ وه‌ل هيزه‌يل ئاسايشى عراقى مقه‌يه‌تى له‌و ناوچه‌يله‌ بكه‌ن.

 

جى باسه‌، ئاماژه‌ وه‌يه‌يش ئه‌كريه‌ێد هيزه‌يل پێشمه‌رگه‌و ئاسايش كورد خوه‌يان له‌و ناوچه‌يله‌ كيشانه‌و دوياى ئه‌وه‌گ هيزه‌يل ناوه‌ندى په‌لامار ئه‌و ناوچه‌يله‌ دان له‌ 16ى ئوكتۆبه‌ر ساڵ 2017 له‌چوارچيوه‌ى ئه‌و رێوشوێنه‌يل سزاييه‌ ك به‌غدا گرته‌ى وه‌ر دوياى راپرسى هه‌رێم كوردستان.