هــــه‌واڵ كــوردى
وه‌ناو.. يه‌كێتى و گۆڕان كانديد ئه‌را سه‌رۆكايه‌تيه‌يل په‌رله‌مان و هه‌رێم و حكومه‌ت دانانه‌

وه‌ناو.. يه‌كێتى و گۆڕان كانديد ئه‌را سه‌رۆكايه‌تيه‌يل په‌رله‌مان و هه‌رێم و حكومه‌ت دانانه‌


شه‌فه‌ق نيوز/ وه‌ گووره‌ى راپۆرته‌يليگ دزه‌ وه‌پيكرياێ ره‌سانن ئه‌وه‌ ده‌ركه‌فت ك هه‌ر يه‌ك له‌ يه‌كێتى نيشتمانى كوردستان و بزووتنه‌وه‌ى گۆڕان ناو كانديده‌يليان ئه‌را پۆست سه‌رۆكايه‌تى په‌رله‌مان و جێگرايه‌تى هه‌ردوگ سه‌رۆكايه‌تى هه‌رێم و حكومه‌ت ئاماده‌ كردنه‌.

 

له‌و راپۆرته‌يله‌ هاتگه‌ ك هه‌ردوگ حزبه‌گه‌ له‌ دانيشتنه‌يل ئاينده‌ ك ساز ئه‌كريه‌ێد له‌وه‌ر دامه‌زرانن هه‌رسێ سه‌ركايه‌تى له‌ هه‌رێم ئه‌و ناوه‌يله‌ ئه‌خه‌نه‌ روێ ئه‌را پارت ديموكرات كوردستان.

 

راپۆرته‌يل باس له‌وه‌ ئه‌كه‌ن ك يه‌كێتى قوباد تاڵه‌بانى ئه‌را پۆست جيگر سه‌رۆك هه‌رێم و حاكم قادر ئه‌را و ده‌رباز كۆسره‌ت ره‌سول ئه‌را هه‌ردوگ پۆسته‌يل جيگر سه‌رۆك حكومه‌ت كانديد كردگه‌و له‌ حاڵه‌تيگيش ئه‌گه‌ر ئه‌نداميگ زياى بكريه‌ێد ئه‌را جيگر سه‌رۆك وه‌زره‌يل و بێگه‌رد تاڵه‌بانى ئه‌را سه‌رۆكايه‌تى په‌رله‌مان.

 

جى باسه‌، راپۆرته‌يل ئاماژه‌ وه‌يه‌يش كردنه‌ ك بزووتنه‌وه‌ى گۆڕانيش هه‌ر يه‌ك له‌ مسته‌فا سه‌يد قادر ئه‌را جێگر سه‌رۆك هه‌رێم كوردستان و هۆشيار عومه‌ر ئه‌را جێگر سه‌رۆك حكومه‌ت و عه‌لى حه‌مه‌ ساڵح ئه‌را جێگر په‌رله‌مان كانديد كرگه‌ و يه‌يش ده‌رخست ك بزووتنه‌وه‌گه‌ هه‌وڵ دويره‌وخستن يه‌كێتى ئه‌ياد له‌ پۆست جيگر سه‌رۆك حكومه‌ت ك له‌لايه‌ن قوباد تاڵه‌بانيه‌و بريه‌ێده‌ رييه‌و.