هــــه‌واڵ عــیراق
عه‌لاوى شماره‌يگ ناو ئه‌را پۆست وه‌زير وه‌رگرى پيشكه‌ش وه‌ عه‌بدولمه‌هدى كرد

عه‌لاوى شماره‌يگ ناو ئه‌را پۆست وه‌زير وه‌رگرى پيشكه‌ش وه‌ عه‌بدولمه‌هدى كرد


شه‌فه‌ق نيوز/ ئئتلاف وه‌ته‌نيه‌ وه‌ سه‌رۆكايه‌تى ئه‌ياد عه‌لاوى ئاشكراى ئه‌وه‌ كرد ك سه‌ركرده‌گه‌ێ شماره‌يگ ناو ئه‌را حكومه‌ت عادل عه‌بدولمه‌هدى پيشكه‌ش كرد ئه‌را هه‌ڵوژانن يه‌كيگ له‌ليان ئه‌را پۆست وه‌زير ناوخوه‌يى.

 

ئئتلافه‌گه‌ له‌ به‌ياننامه‌يگ وت: عه‌لاوى ئه‌خوازێد ئاشكراى بكا ئه‌را راى گشتى ك شماره‌يگ ناو ئه‌را عه‌بدولمه‌هدى پيشكه‌ش كردگه‌ وه‌ناو هاوپه‌يمانى خاسسازى و ئاوه‌دانكردنه‌وه‌ى ئه‌را وه‌كاربردن پۆست وه‌زير ناخوه‌يى.

 

جى باسه‌، ئئتلافه‌گه‌ هه‌ميش وت: عه‌لاوى دوسيه‌ى كانديد يه‌كلاوه‌ كردگه‌و ناوه‌يل پيشكه‌ش كردگه‌و دێ بوار ئه‌را پيشكه‌شكردن ناوه‌يل تازه‌ نه‌يرێد و هويچ ئاگادارييگيش نه‌يرێد له‌و ناوه‌يله‌ ك له‌لايه‌ن بڕێگ له‌ هوكاره‌يل ره‌ساننه‌و باس كرياون و له‌وانه‌يش ليوا محه‌مه‌د عانى ك ناوى له‌ناو ليسته‌گه‌ نيه‌ ك پيشكه‌ش وه‌ عه‌بدولمه‌هدى كرياگه‌.