ئابوورى
بانك ناوه‌ندى رينمايى له‌باره‌ى مامڵه‌كردن وه‌ پويل كويه‌ن و دڕياێ ده‌ركرد

بانك ناوه‌ندى رينمايى له‌باره‌ى مامڵه‌كردن وه‌ پويل كويه‌ن و دڕياێ ده‌ركرد


شه‌فه‌ق نيوز/ بانك ناوه‌ندى عراقى داوا له‌ گشت بانكه‌يل كرد پابه‌ند وه‌و رينمايه‌يله‌ بوون ك ئاراسته‌يان كرياگه‌ له‌باره‌ى چوينێتى مامڵه‌كردن وه‌ل پويل دڕياێ و سزياێ و پويل كويه‌ن عراقى.

 

بانكه‌گه‌ له‌ به‌ياننامه‌يگ وت: بايه‌سه‌ له‌بان گشت بانكه‌يل ئه‌و پويله‌يل نه‌ختيه‌ ك مه‌ردم جوور سپارده‌ له‌ باانكه‌يل داينانه‌و وه‌ ئاشكرا دياره‌ وه‌ بوونه‌ى كويه‌نبوينيان شيويانه‌ راده‌س بانك ناوه‌نديى بكريه‌ێد وه‌ل زانين خوه‌ن پويله‌گه‌، ك وه‌چه‌واشه‌وه‌ ئه‌وه‌ بانكه‌گه‌ وه‌رپرسيارێى ياسايى ئه‌و مه‌سه‌له‌ ئه‌كه‌فێده‌ بان شانى.

 

بانكه‌گه‌ له‌باره‌ى پويل عراقييش، وه‌ بوونه‌ى سزيان و خراوبوينه‌وه‌ ئاشكراى كرد جوور ئه‌وه‌گ بانكه‌گه‌ داوا ئه‌كا ئه‌و پويل نه‌ختيه‌ ك هاووڵاتيه‌يل وه‌ بوونه‌ى سزيان و شاردنه‌وه‌يان خراو بوينه‌ ته‌نيا باريه‌ێده‌ ئه‌را بانك ناوه‌ندى و لقه‌يلى له‌ پاريزگايه‌يل.