هــــه‌واڵ جیــهانى
له‌ ساڵياد جه‌نگ موسڵ.. سه‌دان هه‌زار كه‌س هيمان كووچبه‌رن

له‌ ساڵياد جه‌نگ موسڵ.. سه‌دان هه‌زار كه‌س هيمان كووچبه‌رن


شه‌فه‌ق نيوز/ ليز غراندى ريكخه‌ر كاروبار ئنسانى له‌ عراق ك سه‌ر وه‌ نه‌ته‌وه‌يل يه‌كگرتگه‌، له‌ يه‌كه‌مين ساڵياد هه‌ڵمه‌ت سه‌ربازى ئه‌را هاوردنه‌وه‌ى شار موسڵ له‌ژير ده‌سڵات ريكخرياگ ترۆريستى داعش، وت: هيمان تائيسه‌ نزيكه‌ى 670 هه‌زار كه‌س كووچبه‌رن ك  وه‌بوونه‌ى جه‌نگ و كوشتاره‌و واينه‌.

 

غراندى باس له‌وه‌ كرد ك شماره‌ى كووچبه‌ره‌يل له‌وه‌خت ئه‌و هه‌ڵمه‌ته‌يله‌ فيشتر بويه‌ له‌و خراوترين پيشبينيه‌يل ك كارگه‌ره‌يل وه‌هاناڕه‌س داشتنه‌سه‌ێ.

 

جى باسه‌، نويسينگه‌ى نه‌ته‌وه‌يل يه‌كگرتگ ئه‌را ريكخستن كاروبار ئنسانى له‌ عراق وه‌ سه‌ركردايه‌تى نوێنه‌رايه‌تييگ هاوبه‌ش ده‌سكرده‌ هه‌وڵيگ ئه‌را مه‌زه‌نه‌كردن هه‌وه‌جه‌يل مه‌ردم وه‌تايبه‌ت ئه‌وانه‌گ هيمان مه‌ندنه‌و كووچبه‌رن و گله‌و نه‌خواردنه‌ ئه‌را شوونه‌يل خوه‌يان.