هــــه‌واڵ عــیراق
مه‌رجه‌عيگ شيعه‌ خوه‌شاڵى ده‌رخست ئه‌را سزايه‌يل ئيران و توركيا له‌بان كوردستان

مه‌رجه‌عيگ شيعه‌ خوه‌شاڵى ده‌رخست ئه‌را سزايه‌يل ئيران و توركيا له‌بان كوردستان


شه‌فه‌ق نيوز/ محه‌مه‌د ته‌قى موده‌ڕسى مه‌رجه‌ع ئايينى خوه‌شاڵى ده‌رخست وه‌ هاوكارى سێلايه‌نى ناونى عراق و ئيران و توركيا له‌باره‌ێ بڕياره‌يل سه‌خت دژ هه‌رێم كوردستان وه‌ بوونه‌ى ئه‌نجامداين راپرسێ ك وه‌ باكوور عراق ناوى برد و يه‌يش وه‌سفيگ بوى هه‌ميشه‌ له‌لايه‌ن رژيم به‌عسه‌و وتريا.

 

موده‌ڕسى له‌ به‌ياننامه‌يگ ئه‌را(شه‌فه‌ق نيوز)وت: ده‌سخوه‌شى له‌ى په‌يوه‌ندى وه‌رده‌وامه‌ ئه‌كه‌م له‌ ناونى ده‌وڵه‌ته‌يل ناوچه‌گه‌ و جوور روحيگ هاوكارى گوزارش له‌لى ئه‌كه‌يم و ئوميده‌واريم ئى په‌يوه‌ندى و هاوكاريه‌ ده‌وڵه‌ته‌يل ئه‌نجومه‌ن هاوكار كه‌نداو و مسر و سوريايش بگرێده‌و تا بوونه‌ محوه‌ر خاسيگ ئه‌را چاره‌سه‌ر قه‌يرانه‌يل ناوچه‌گه‌.

 

جى باسه‌، موده‌ڕسى له‌ هه‌مان وه‌خت داوايش له‌ سه‌ركرده‌يل هه‌رێم مراجعه‌ى بڕياره‌يليان بكه‌ن و هه‌وڵ جدى بيه‌ن وه‌ل وڵاته‌يل ناوچه‌گه‌ ئه‌را چاره‌سه‌ر كيشه‌يل.