هــــه‌واڵ عــیراق
19 كه‌س داعشى وه‌ده‌س هيزه‌يل عراقى له‌ نزيك هه‌ولێر كوشيان

19 كه‌س داعشى وه‌ده‌س هيزه‌يل عراقى له‌ نزيك هه‌ولێر كوشيان


شه‌فه‌ق نيوز/ هيزه‌يل عراقى تويه‌نستن تيرۆريسته‌يليگ له‌ ريكخرياگ داعش له‌ مه‌خمور سه‌ر وه‌ پاريزگاى نه‌ينه‌وا بكوشن ك 60 كيلۆمه‌تر دويره‌ له‌ شار هه‌ولێر.

 

له‌ى باوه‌ته‌و، فه‌ريق رائد شاكر جه‌وده‌ت سه‌ركرده‌ى پۆليس ناوه‌ندى له‌ باسيگ ئه‌را شه‌فه‌ق نيوز، وت: كه‌رته‌يل ليواى 11 و ليواى 12 وه‌ فه‌رمان سه‌ركرده‌ى تيم 3 و وه‌پشتگيرى ئاسمانى تويه‌نستنه‌ ده‌ور تيرۆريسته‌يل بيه‌ن و بكوشنه‌يان له‌وه‌خت ئه‌ركه‌يليان و وشكانن ناوچه‌ى قه‌ره‌بوتك له‌ باشوور خوه‌رهه‌ڵات مه‌خمور.

 

سه‌ركرده‌ى پۆليس ناوه‌ندى هه‌ميش وت: له‌وه‌خت ئه‌نجامداينن ئه‌و كرده‌وه‌ 7 چه‌كك كڵاشينكۆف دوينرياسه‌و وه‌ل وه‌ديكردن شوونيگ ئه‌را شاردنه‌وه‌ى مادده‌ى خوارده‌مه‌نى.