هــــه‌واڵ كــوردى
له‌ئاكام ته‌قه‌ له‌ناوڕاس سلێمانى چه‌ن كه‌سيگ زه‌خمدار بوين

له‌ئاكام ته‌قه‌ له‌ناوڕاس سلێمانى چه‌ن كه‌سيگ زه‌خمدار بوين


شه‌فه‌ق نيوز/ پۆليس پاريزگاى سلێمانى، ئاشكراى ئه‌وه‌ كرد ك سێ كه‌س زه‌خمدار بوينه‌ له‌ روێداگيگ ته‌قه‌كردن له‌ ناوچه‌ى سه‌رچنار له‌ ناوڕاس شار سلێمانى.

 

پۆليس له‌ به‌ياننامه‌يگ وت: دوياى ره‌سين هيزه‌يلمان ئه‌را شوون روێداگه‌گه‌ هه‌ر يه‌ك له‌ (ا، ع، 1) ته‌مه‌ن 30 ساڵان و (ن، ع، ا) ته‌مه‌ن 46 ساڵان جيواز كردنه‌ ئه‌را نه‌خوه‌شخانه‌ ك دوكان سه‌يره‌فه‌ داشتنه‌ دوياى زه‌خمداربوينيان له‌ئاكام ته‌قه‌.

 

جى باسه‌، به‌ياننامه‌گه‌ هه‌ميش وت: كابرايگ تر وه‌ناو (ر، ن، ح) ك ساڵ 1995 هاته‌سه‌ دونيا زه‌خمدار بويه‌و يه‌يش جيواز كرياگه‌ ئه‌را نه‌خوه‌شخانه‌ له‌وه‌ر چاره‌سه‌ر دوياى ئه‌وه‌گ ده‌مانچه‌گه‌يشى له‌لايه‌ن پۆليسه‌و ده‌سوه‌سه‌ر كرياگه‌.