هــــه‌واڵ كــوردى
به‌غدا گله‌وخواردن پێشمه‌رگه‌ په‌سه‌ن ئه‌كاو مه‌رج ديرێد

به‌غدا گله‌وخواردن پێشمه‌رگه‌ په‌سه‌ن ئه‌كاو مه‌رج ديرێد


شه‌فه‌ق نيوز/ حكومه‌ت عراقى و هه‌رێم كوردستان باس له‌ داناين پلانه‌يليگ كردن ئه‌را روى وه‌ڕوى بونه‌وه‌ى داعش، ئه‌ويش له‌ڕى گله‌وخواردن هيزه‌يل پێشمه‌رگه‌ ئه‌را پاريزگاى كه‌ركوك و ناوچه‌يل كيشه‌ له‌سه‌ر ك زويتر له‌تيان خوه‌ى كيشاوه‌.

 

له‌ى باوه‌ته‌و، وه‌رپرسيگله‌ پێشمه‌رگه‌ وت: هاوپه‌يمان ناوده‌وڵه‌تى ئاگادار وزاره‌ت پێشمه‌رگه‌ كردگه‌ نه‌بايه‌د هيزه‌يل چه‌كدار حزبى گله‌و بخوه‌ن ئه‌را ئه‌و ناوچه‌يله‌، به‌ڵكوو رازامه‌نى نيشان درياگه‌ له‌بان گله‌وخواردن هه‌ردوگ ليواى 1 و 2 له‌ هيزه‌يل پيشمه‌رگه ئه‌را كه‌ركوك و ليواى 9 ئه‌را داقوق و خورماتوو ك ئه‌يانه‌ هيزه‌يل هاوبه‌ش وزاره‌ت پێشمه‌رگه‌ن و له‌لايه‌ن تيمه‌يل مه‌شقده‌ر سه‌ر وه‌ وزاره‌ت وه‌رگرى ئه‌مريكيه‌و مه‌شق دريانه‌.

 

جى باسه‌، سه‌ركرده‌يگ له‌ ليواى يه‌ك هيزه‌يل پێشمه‌رگه‌ ك نه‌تواس ناوى ئاشكرا بدێ وت: ئيمه‌ ئاماده‌يم ئه‌را گله‌وخواردن له‌وه‌ر روى وه‌ڕوى بوينه‌وه‌ى داعش و مقه‌يه‌تيكردن له‌ هاووڵاتيه‌يل له‌ناوچه‌يل كيشه‌ له‌سه‌ر، وه‌لێ له‌ڕوێ سه‌ربازيه‌و هيمان كاره‌گه‌ ته‌مام نه‌ويه‌.‌