هــــه‌واڵ عــیراق
هيزيگ شيعه‌ى نزيك له‌ ئيران هه‌ڕه‌شه‌ له‌ هيزه‌يل تازه‌ى ئه‌مريكا له‌ عراق ئه‌كا

هيزيگ شيعه‌ى نزيك له‌ ئيران هه‌ڕه‌شه‌ له‌ هيزه‌يل تازه‌ى ئه‌مريكا له‌ عراق ئه‌كا


شه‌فه‌ق نيوز/ جه‌واد تڵيباوى قسه‌كه‌ر سه‌ربازێ وه‌ناو بزووتنه‌وه‌ى عه‌سايب ئه‌هل حه‌ق نزيك له‌ ئيران وه‌ سه‌رۆكايه‌تى قه‌يس خه‌زعه‌لى، باس له‌ گرتنه‌ ئامانج بڵاوبوينه‌وه‌و جموجويله‌يل تازه‌ى هيزه‌يل ئه‌مريكى كرد له‌ناو عراق و داوايش له‌ هه‌ردوگ ده‌سڵاته‌يل ته‌شريعى و جيوه‌جيكار كرد هه‌ڵويست وه‌رانوه‌ر ئه‌و جموجويله‌يله‌ نيشان بيه‌ن و هه‌ڕه‌شه‌ى ئه‌وه‌يش كرد ده‌س له‌و هيزه‌يله‌ بووه‌شيه‌ێد له‌ حاڵه‌تيگ ئه‌گه‌ر حكومه‌ت تواناى مامڵه‌كردنى نه‌ياشتوود.

 

تڵيباوى له‌ به‌ياننامه‌يگ وت: شارياگ نيه‌ له‌بان رووڵه‌يل ملله‌ت عراقى ك گه‌شتكردن جه‌نراڵ ئۆستن جيگر سه‌ركرده‌ى فه‌رمانده‌يى سوپاى ئه‌مريكى له‌ جاده‌يل به‌غداى پايته‌خت ده‌سدريژييگ ئاشكراس ئه‌را بان سه‌روه‌رى عراق.

 

تڵيباوى ئاماژه‌ وه‌يه‌يش كرد و وت: ئيمه‌ وه‌ چه‌و تويڕه‌ييه‌و ته‌ماشاه‌ ئه‌و گه‌شته‌ ئه‌كه‌يم ك جيگر سه‌ركرده‌ى فه‌رمانده‌يى سوپاى ئه‌مريكى له‌ جاده‌يل به‌غدا ئه‌نجامى ئه‌يا.

 

جى باسه‌، ئۆستن له‌ وێنه‌يليگ ده‌ركه‌فت ك له‌لايه‌ن ماڵپه‌ڕه‌يل په‌يوه‌ندى كۆمه‌ڵايه‌تيه‌و بڵاو كريا، له‌ رووژ جومعه‌ى گوزه‌يشت گه‌شت وه‌ناو جاه‌ى موته‌نه‌بى له‌ به‌غدا كرد وه‌ ياوه‌رى سه‌ركرده‌ى فه‌رمانده‌يى سه‌ربازى له‌ سوپا.