هــــه‌واڵ عــیراق
ئه‌نبار ئاشكراى هووكاره‌يل گله‌و نه‌خواردن كووچبه‌ره‌يلێ كرد

ئه‌نبار ئاشكراى هووكاره‌يل گله‌و نه‌خواردن كووچبه‌ره‌يلێ كرد


شه‌فه‌ق نيوز/ يه‌حيا غازى ئه‌ندام ئه‌نجومه‌ن پاريزگاى ئه‌نبار، ئاشكراى ئه‌وه‌ كرد ك نزيكه‌ى 15% له‌ مه‌ردم پاريزگاگه‌ هيمان كووچبه‌رن له‌ناو و له‌ده‌يشت پاريزگاگه‌.

 

غازى ئه‌را شه‌فه‌ق نيوز وت: هووكاره‌يل گله‌و نه‌خواردن كووچبه‌ره‌يل ئه‌چێده‌و ئه‌را ئه‌وه‌گ بڕيگ له‌ خيزانه‌يل هيمان ماڵه‌يليان ويرانه‌ يا سزيانه‌و هيمان له‌ مين پاكه‌و نه‌كريانه‌و بڕيگيانيش وه‌ بوونه‌ى كيشه‌يل ئه‌شايرييه‌و ترسيه‌ن گله‌و بخوه‌ن.

 

جى باسه‌، غازى له‌ حاڵ حازر گله‌وخواردن كووچبه‌ره‌يل وه‌ دوير زانست و وت: باوه‌ڕمان ئه‌وه‌سه‌ هه‌وه‌جه‌ وه‌ وه‌خته‌يل فيشتريگ ديرن.