هــــه‌واڵ عــیراق
سه‌در وه‌ مالكى: خوازياره‌ بايده‌و ئه‌را حوكم تا باقى خاكه‌يل تر عراق بفرووشێد

سه‌در وه‌ مالكى: خوازياره‌ بايده‌و ئه‌را حوكم تا باقى خاكه‌يل تر عراق بفرووشێد


شه‌فه‌ق نيوز/ سه‌ركرده‌ى ره‌وت سه‌درى داواى هه‌ڵه‌په‌ڵه‌ كرد له‌ ئاڵشتكردن ئه‌ندامه‌يل كومسيۆن هه‌ڵوژاردنه‌يل و پشتبه‌سانن وه‌ كه‌سه‌يليگ سه‌روه‌خوه‌ى و شاره‌زا و ئاماژه‌ وه‌يه‌يش كرد ك مه‌ندنه‌وه‌ى كومسيۆنه‌گه‌ خزمه‌ت وه‌ ئه‌وانه‌ ئه‌كا ك ئه‌خوازن جاريگتر بانه‌و ئه‌را حوكم له‌وه‌ر فرووشتن باقى خاكه‌يل تر عراق، ئه‌ويش له‌ ئشاره‌تيگ ئه‌را نورى مالكى سه‌رۆك وه‌رين وه‌زيره‌يل.

 

سه‌در له‌ لێدوانيگ ئه‌را(شه‌فه‌ق نيوز)وت: هه‌ركه‌سيگ ئه‌خوازيد جاريگتر بايده‌و ئه‌را حوكم له‌وه‌ر ئه‌وه‌سه‌ تا باقى خاكه‌يل تر بفرووشێد و ته‌نيا قانجازكه‌ره‌ ئه‌را مه‌ندنه‌وه‌ى كومسيۆن وه‌ ئه‌ندامه‌يل  رينمايه‌يليه‌و.

 

سه‌در هه‌ميش وت: ده‌نگ خاسسازى بايه‌سه‌ به‌رز بدێ و بايه‌سه‌ ئه‌و كومسيۆنيشه‌ نه‌مينێد و بايه‌سه‌ له‌بان گشتلايگ له‌ په‌رله‌مان هه‌وڵ خاس بيه‌ن وه‌و خاتره‌و بايه‌سيشه‌ له‌بان خوه‌ينيشانده‌ره‌يل ده‌نگيان به‌رز بكه‌ن وه‌نا ئه‌يه‌ گوله‌ى ره‌حمه‌يگه‌ ئه‌دريه‌ێد له‌ لاشه‌ێ خاسسازێ.