هــــه‌واڵ عــیراق
داوا له‌ كه‌ركوك ئه‌كريه‌ێد ڕى بيه‌ێده‌ كووچبه‌ره‌يل حه‌ويجه‌

داوا له‌ كه‌ركوك ئه‌كريه‌ێد ڕى بيه‌ێده‌ كووچبه‌ره‌يل حه‌ويجه‌


شه‌فه‌ق نيوز/ چه‌ودێر عراقى ئه‌را مافه‌يل ئاده‌ميزاد باس له‌وه‌ كرد ك بايه‌سه‌ له‌بان حكومه‌ت ناوچه‌يى له‌ پاريزگاى كه‌ركوك هه‌ڵه‌په‌ڵه‌ بكا ئه‌را له‌خوه‌يگرتن ئه‌و كووچبه‌ره‌يله‌ ك له‌ قه‌زاى حه‌ويجه‌ واينه‌ تا بانه‌ ناو پاريززگاگه‌ وه‌ زويترين وه‌خت و نه‌يليد بمينيه‌ن له‌ نزيك نويسينگه‌ى خالد له‌ ديم خوه‌رئاواى پاريزگاگه‌.

 

چه‌وديره‌گه‌ له‌ به‌ياننامه‌يگ ئه‌را(شه‌فه‌ق نيوز)وت: ئه‌و كووچبه‌ره‌يل ك هيمان مه‌ندنه‌ له‌ ناوچه‌يل ده‌يشت شار كه‌ركوك دوير نين له‌ مه‌ترسى چه‌ك چه‌كداره‌يل داعش و مه‌ندنيان له‌و شوونه‌يله‌ خه‌ته‌ره‌و گونجياگ نيه‌ ئه‌را ژيان.

 

جى باسه‌، چه‌ودير ناوبرياگ له‌ زووان سه‌رچه‌وه‌يل ناوچه‌يى له‌ كه‌ركوك وت: ده‌سڵاته‌يل ناوچه‌يى وه‌ناوكردن كووچبه‌ره‌يل ئه‌را شاره‌گه‌ وسانگه‌و هيمان ئه‌و كووچبه‌ره‌يله‌ ك له‌ حه‌ويجه‌ واينه‌ له‌ نزيك نويسينگه‌ى خالد ك نا‌وچه‌يگه‌ له‌ناونى هيزه‌يل پێشمه‌رگه‌و ريكخرياگ داعش تائيسه‌ مه‌ندنه‌.