هــــه‌واڵ عــیراق
ريككه‌فتنيگ وه‌ل كومپانيايگ"درووكانى" ئه‌را دامه‌زرانن ئوتێليگ له‌ به‌غدا ئاشكرا كريا

ريككه‌فتنيگ وه‌ل كومپانيايگ"درووكانى" ئه‌را دامه‌زرانن ئوتێليگ له‌ به‌غدا ئاشكرا كريا


شه‌فه‌ق نيوز/ عاليه‌ نسه‌يف ئه‌ندام له‌بان ئئتلاف ده‌وڵه‌ت ياسا، داوا له‌ سه‌رۆك وه‌زيره‌يل و ليژنه‌ێ ده‌سپاكى و لايه‌نه‌يل چه‌ودێرى كرد په‌يجوورييگ له‌باره‌ى ئه‌و ريككه‌فتنه‌ واز بكه‌ن ك كومپانياى گشتى نمايشاگايه‌يل سه‌ر وه‌ وزاره‌ت بازرگانى ئمزاێ كردگه‌ وه‌ل كومپانيايگ "درووكانى" ئيماراتى ئه‌را دامه‌زرانن ئوتێليگ له‌بان خاك نمايشگايه‌يل به‌غدا.

 

نسه‌يف له‌ باسيگ وه‌ل شه‌فه‌ق نيوز وت: زانياريه‌يليگ هه‌ن باس له‌وه‌ ئه‌كه‌ن ك كومپانياى گشتى نمايشگايه‌يل و خزمه‌تگوزاريه‌يل بازرگانى ريككه‌فتنيگ وه‌ل كومپانيايگ ئه‌هلى "درووكانى" ئيماراتى ئه‌را دامه‌زرانن ئوتێليگ له‌بان خاك نمايشگاێ به‌غدا ئمزا كردگه‌ وه‌ جووريگ ك وزاره‌ت بازرگانى 70 مليار دينار بيه‌ێد و شوون ئه‌و ئوتێليشه‌ ئاماده‌ بكا وه‌رانوه‌ر 20 له‌سه‌د به‌ش كومپانياگه‌.

 

جى باسه‌، نسه‌يف هه‌ميش وت: كومپانياى گشتى نمايشگايه‌يل له‌ وزاره‌ت بازرگانى بڕ 30 مليار دينار ئه‌را هساو كومپانياگه‌ وه‌ نه‌خت هه‌واڵه‌ كردگه‌ له‌ بانك رافده‌ين ئه‌را هساو تايبه‌ت كومپانيا له‌ بانك ئه‌هلى بابل و وه‌ دارايى وزاره‌ت بازرگانى چيه‌سه‌ ناو مه‌زاديگ ئه‌را ده‌سكه‌فتن قانجاز.