هــــه‌واڵ كــوردى
يه‌كێتى جواو لێدوانه‌يل ئۆغلۆ داره‌و

يه‌كێتى جواو لێدوانه‌يل ئۆغلۆ داره‌و


شه‌فه‌ق نيوز/ سه‌عدى ئه‌حمه‌د پيره‌ قسه‌كه‌ر وه‌ناو مه‌كته‌ب سياسى يه‌كێتى نيشتمانى كوردستان، جواو ئه‌و لێدوانه‌يله‌ داره‌و ك مه‌ولود چاوش ئۆغلۆ وه‌زير خارجيه‌ى توركى داره‌ى و داوايش له‌ توركيا كرد وه‌پياچگنه‌وه‌ى سياسه‌ته‌يل خوه‌ى بكا له‌وه‌ر خار مقه‌يه‌تيكردن له‌ ئاشتى.

 

پيره‌ له‌ به‌ياننامه‌يگ ئه‌را شه‌فه‌ق نيوز وت: ئيمه‌ وه‌ سه‌رسوڕمانه‌وه‌ لێدوانه‌گه‌ى مه‌ولود چاوش ئۆغلۆ وه‌زير خارجيه‌ى توركى ژنه‌فتيم ك له‌تى يه‌كێتى نيشتمانى كوردستان وه‌ يارمه‌تيداين پارت كارگه‌ره‌يل كوردستان تومه‌تبار ئه‌كا.

 

پيره‌ وت: جواو ئيمه‌ ئه‌را چاوش ئۆغلۆ ئه‌وه‌سه‌ له‌ دانيشتنه‌يل بيقاع له‌ساڵ 1993وه‌و له‌ وساننه‌وه‌ى جه‌نگ يه‌كلايه‌نه‌ێ ناونى كۆمار توركيا و په‌كه‌كه‌ وه‌ ناوجيكه‌رى جه‌لال تاڵه‌بانى ئه‌ميندار كووچكردگ يه‌كێتى نيشتمانى تا رووژ ئمڕوو سياسه‌ت يه‌كێتى نيشتمانى كوردستان له‌باره‌ى ئه‌و مه‌سه‌له‌ وه‌ نه‌گووڕياێ مه‌نده‌سه‌و، هه‌ميشه‌ هه‌وڵ ئه‌ياد گشت كيشه‌يليگ وه‌ ئاشتيانه‌ چاره‌سه‌ر بكريه‌ن.

 

جى باسه‌، پيره‌ هه‌ميش وت: يه‌كێتى نيشتمانى كوردستان ناخوازێد قه‌تره‌يگ خوين "له‌ژير هه‌ر ناويگ" بڕژيه‌ێد چ خوين كورد يا تورك يا هه‌ر پيكهاته‌يگ تر، هه‌ر وه‌و خاتريشه‌ وه‌پياچگنه‌وه‌ى رووشنتر له‌و هه‌ڵويست توركيا گرنگه‌و زامن مقه‌يه‌تيكردن ئاشتيه‌.