هــــه‌واڵ عــیراق
فه‌رمانده‌يى هاوبه‌ش ره‌سين هيزه‌يل عراقى وه‌ مزگفت حه‌دبا خسته‌ دروو

فه‌رمانده‌يى هاوبه‌ش ره‌سين هيزه‌يل عراقى وه‌ مزگفت حه‌دبا خسته‌ دروو


شه‌فه‌ق نيوز/ سه‌ركردايه‌تى فه‌رمانده‌يى هاوبه‌ش، ره‌سين هيزه‌يل ناوه‌ندێ ئه‌را مزگفت حه‌دبا له‌ ناوچه‌ێ كويه‌ن له‌ ديم راس موسڵ خسته‌ دروو ك دويا بنگه‌ێ ريكخرياگ ترۆريستى داعش له‌و ناوچه‌.

 

سه‌ركردايه‌تيه‌گه‌ له‌ به‌ياننامه‌يگ وت: هووكاره‌يل ره‌سانن وه‌ نادقه‌ته‌و باس له‌ ره‌سين هيزه‌يل پۆليس ناوه‌ندێ كردنه‌ ئه‌را ده‌ورگرد مزگفت حه‌دباو ئى هه‌واڵيشه‌ دويره‌ له‌ڕاسى و هيمان هيزه‌يلمان وه‌رده‌وامن له‌ كرده‌وه‌يل سه‌ربازێ ئه‌را ئازادكردن ئه‌و شوونه‌يله‌ له‌ زه‌نجه‌بيلى و ئه‌لشفا مه‌ندنه‌.

 

جى باسه‌، سه‌ركردايه‌تى ناوبرياگ داوا له‌ گشت هووكاره‌يل ره‌سانن هويچ هه‌واڵێگ بڵاو نه‌كه‌ن تايبه‌ت وه‌ ئازادكردن ناوچه‌يل و پيشڕه‌وێ هيزه‌يل ئاسايشى ته‌نيا له‌ڕێ شانه‌ێ ره‌سانن جه‌نگى نه‌ود، ئه‌ويش له‌وه‌ر دقه‌ت و راسگويى.