هــــه‌واڵ عــیراق
هاوپه‌يمان "سنى" پيشبينى روێداين "كوده‌تا" ئه‌كا له‌ پاريزگايه‌يل

هاوپه‌يمان "سنى" پيشبينى روێداين "كوده‌تا" ئه‌كا له‌ پاريزگايه‌يل


شه‌فه‌ق نيوز/ هاوپه‌يمانى قه‌رار عراقى وه‌ سه‌رۆكايه‌تى ئوسامه‌ نوجێفى جيگر سه‌رۆك كۆمار، جه‌خت له‌وه‌ كرد ك ئاشكراكردن دامه‌زرانن ليست يه‌كگرتگ سنى دوياى په‌سه‌نكردن ئاكامه‌يل كووتايى هه‌ڵوژاردنه‌يل ئه‌دێ و باس له‌وه‌يش كرد ك دانيشتن فراوانيگ له‌ به‌غدا ئه‌كريه‌ێد ئه‌را دياريكردن ناسنامه‌ى هاوپه‌مانێتى سنى.

 

له‌ى باوه‌ته‌و، ئه‌حمه‌د مه‌سارى سه‌ركرده‌ له‌ هاوپه‌يمانى قه‌رار وت: ليسته‌گه‌ى هه‌وڵ دامه‌زرانن فراكسيۆنيگ گه‌ورا ئه‌ياد ك گشت هيزه‌يل سه‌ركه‌فتگ سنى له‌ هه‌ڵوژاردنه‌يل ئى دوياخر په‌رله‌مانيه‌ بگرێده‌ خوه‌ى له‌وه‌ر ئاماده‌كارى ئه‌را به‌شداريكردن كارايگ له‌ پرووسه‌ى سياسى.

 

مه‌سارى پيشبينى ئاڵشتكارى فريه‌يگ كرد له‌ ئاكامه‌يل تازه‌ هه‌ڵوژاردنه‌يل له‌ نه‌خشه‌ى حكومه‌ت ئاينده‌ و پيشبينى يه‌يش كرد كوده‌تا له‌ گشت پاريزگايه‌يل روێ بيه‌ێد ك شماردنه‌وه‌و جياكردنه‌وه‌ى ده‌نگه‌يل له‌تيان ئه‌نجام ئه‌گرێد و باس له‌وه‌يش كرد ك دانيشتنه‌يل ئى دوياخر توركيا ئاساييه‌ بويه‌و هويچ له‌لى نه‌كه‌فته‌سه‌و ته‌نيا ريككه‌فتنيگ سه‌ره‌تايى نه‌دێ ك هيمان ئاكامه‌گه‌ى ديار نيه‌.