هه‌مه‌ڕه‌نگ
ته‌له‌فزيۆن ئيرانى له‌وه‌ر ئاموژگارييگ عوزرخوازێ له‌ ژنه‌يل وڵاته‌گه‌ێ كرد

ته‌له‌فزيۆن ئيرانى له‌وه‌ر ئاموژگارييگ عوزرخوازێ له‌ ژنه‌يل وڵاته‌گه‌ێ كرد


شه‌فه‌ق نيوز/ ته‌له‌فزيۆن حكومى ئيرانى عوزرخوازێ فه‌رمى كرد له‌ ژنه‌يل  وڵاته‌گه‌ێ، ئه‌ويش دوياێ گفتگوويگ له‌ يه‌كيگ له‌ به‌رنامه‌يل كۆمه‌ڵايه‌تى ك لايه‌ن كه‌ناڵه‌گه‌وه‌ پيشكه‌ش كريا.

 

له‌باره‌ێ ئه‌و عوزرخوازيه‌، هووكاره‌گه‌ێ ئه‌وه‌ بوێ ك خانمه‌ شاره‌زايگ خيزانى له‌ به‌رنامه‌يگ له‌ قسه‌يلێ ئاموژگارى دا ژنه‌يل له‌باره‌ێ خاسه‌وكردن په‌يوه‌نديه‌يل هاوسه‌رگێر له‌ناو كومه‌ڵگاى ئيرانى وه‌ ئه‌وه‌گ ژنه‌يل هه‌ردوگ پاێ هاوسه‌ره‌يليان وه‌ شير و گوڵ بشوورن و دوياخريش وشكيانه‌و بكه‌ن و ماچێ بكه‌ن له‌وه‌ر ئه‌وه‌گ قانجاز فريه‌يگ ديرێد ئه‌را بته‌وكردن په‌يوه‌ندێ ناونيان.

 

ئه‌و خانمه‌ شاره‌زا باس له‌وه‌يش كردگه‌ ك له‌شوون ئه‌و كاره‌ ديارده‌يل خوه‌شه‌ويسى و كه‌مه‌وبوين گرژێ په‌يا ئه‌دێ وه‌ل كه‌مه‌وبوين حاڵه‌ته‌يل جه‌ڵته‌ێ مه‌ژگ و كوتان زيايه‌ێ دڵ و دويربوين له‌ كيشه‌ ئه‌را ماوه‌ى مانگيگ ك ته‌نانه‌ت ئه‌گه‌ر هاوسه‌ره‌گه‌ديش مدمنيش بدێ له‌بان مادده‌يل بيهووشكه‌ريش.

 

جى باسه‌، ئى ئاموژگاريه‌يله‌ كاردانه‌وه‌ى پڕ ره‌خه‌نكارييگ له‌لى كه‌فته‌و له‌لايه‌ن چالاكوانه‌يل و مه‌ردمانيگه‌و له‌بان ماڵپه‌ڕه‌يل كۆمه‌ڵايه‌تى و ته‌له‌فزيۆن ئيرانييش ناچار بوێ داواى عوزرخوازێ فه‌رمى بكا له‌ ژنه‌يل وڵاته‌گه‌ێ.