هــــه‌واڵ عــیراق
هيزه‌يل ئه‌منى ئاهه‌نگه‌يل كورد له‌ كه‌ركوك چويچانن و ئاڵاى كوردستانيش داگرتن

هيزه‌يل ئه‌منى ئاهه‌نگه‌يل كورد له‌ كه‌ركوك چويچانن و ئاڵاى كوردستانيش داگرتن


شه‌فه‌ق نيوز/ هيزه‌يل ئه‌منيى عراقى، ئه‌و ئاهه‌نگه‌يل چويچان ك كورد له‌ پاريزگاى كه‌ركوك ئه‌نجامى دان وه‌تايبه‌ت لايه‌نگره‌يل يه‌كێتى نيشتمانى كوردستان وه‌بوونه‌ى دوباره‌ به‌رزه‌وكردن ئاڵاى كوردستان له‌بان باره‌گايه‌يل ئه‌و حزبه‌.

 

سه‌رچه‌وه‌يگ وه‌رپرس ئه‌منى وت: هيزيگ له‌ فه‌وج سه‌ڵاحه‌دين له‌ ده‌زگاى دژه‌ تيرۆر و فه‌وج سوات و مه‌فره‌زه‌يليگ له‌ ده‌زگايه‌يل ئه‌منيى ناوه‌ندى ده‌س كردنه‌سه‌ جموجويل له‌ناو شار كه‌ركوك وه‌ره‌و ئه‌و ناوچه‌يله‌ ك جايه‌ڵه‌يل له‌تى گرده‌وبوينه‌و ئاڵاى كوردستان هه‌ڵدانه‌ وه‌ل چالاكيه‌يل ئتسفزازى وه‌خاتر چه‌سپانن ياسا وه‌شيوه‌يگ ته‌واو.

 

سه‌رچه‌وه‌گه‌ وت: ئه‌و ئاهه‌نگ سازه‌يله‌ له‌لايه‌ن فه‌وج سه‌ڵاحه‌دينه‌و چويچيانه‌و ئاڵايه‌يل كوردستانيش له‌ قه‌ڵاو ره‌حيماوا و شۆرجه‌ داگرياگه‌.

 

جى باسه‌، په‌يامنێر شه‌فه‌ق نيوز وت: كويچه‌و ناوچه‌يل كوردنشين له‌ پاريزگاگه‌ پڕ بويه‌ له‌ خوه‌شى و شادى و مه‌ردم ده‌رچينه‌سه‌ جاده‌و وه‌ناو پێشمه‌رگه‌و كوردستانه‌وه‌ هتاف كيشانه‌ وه‌ل هه‌ڵپه‌ڕگه‌ى فريه‌يگ له‌ نزيگ قه‌ڵاى‌.