هــــه‌واڵ عــیراق
ده‌رمان سعودى ئه‌را له‌ناوبردن كولێرا ره‌سيه‌ عراق

ده‌رمان سعودى ئه‌را له‌ناوبردن كولێرا ره‌سيه‌ عراق


شه‌فه‌ق نيوز/ وه‌ فه‌رمان شا سه‌لمان بن عه‌بدولعه‌زيز ئاڵ سعود، دويه‌كه‌ ئيواره‌ ده‌سميه‌ته‌يل سعودى ره‌سيه‌ ته‌ياره‌خانه‌ى ناوده‌وڵه‌تى به‌غدا ك فيشتر له‌ 10 ته‌ن له‌ هه‌وه‌جه‌يل پزيشكى بوى ئه‌را له‌ناوبردن نه‌خوه‌شى كولێرا له‌ عراق.

 

له‌ى باوه‌ته‌و، هووكاره‌يل ره‌سانن سعودى ئه‌وه‌ ده‌رخستن ك تيميگ تايبه‌تمه‌ند وه‌ ئاماده‌بوين سه‌ڵاح ئه‌لهه‌تڵانى باڵوێز سعودى له‌ عراق سه‌رپه‌شى ته‌سليمكردن ئى ده‌سميه‌ته‌يله‌ كردگه‌.

 

جى باسه‌، ئى ده‌سميه‌ته‌يل پزيشكيه‌ جواودانه‌وه‌يگه‌ ئه‌را بانگه‌وازه‌گه‌ى ريكخرياگ ته‌ندروسى جه‌هانى له‌ باره‌ى بڵاوبوينه‌وه‌ى نه‌خوه‌شى كولێرا له‌ عراق، ك يه‌يش له‌ چوارچيوه‌ى ئه‌و ده‌سميه‌ته‌يله‌سه‌ ك مه‌مله‌كه‌ت سعوديه‌ پيشكه‌شى ئه‌كاو ناوه‌ند شا سه‌لمان ئه‌را وه‌هاناڕه‌سين و كاره‌يل ئنسانى سه‌رپه‌رشى له‌لى ئه‌كا ئه‌را ره‌ساننى.