ئابوورى
دارايى نوێنه‌رايه‌تى له‌باره‌ى ئاقبه‌ت ريككه‌فتنيگ وشدارى كوردستان

دارايى نوێنه‌رايه‌تى له‌باره‌ى ئاقبه‌ت ريككه‌فتنيگ وشدارى كوردستان


شه‌فه‌ق نيوز/ ئه‌نداميگ كورد له‌ ليژنه‌ى دارايى نوێنه‌رايه‌تى له‌ په‌رله‌مان عراقى، وشدارى دا له‌باره‌ى فرووشتن نه‌فت وه‌شيوه‌ێگ سه‌روه‌خوه‌ێ و ئاگادارێ ئه‌وه‌يش دا ك به‌غدا رازێ نادێ وه‌و هه‌ڵسووكه‌فته‌و دوياخريش مووچه‌ ئه‌را هه‌رێم ره‌وانه‌ ناكريه‌ێد.

 

ئه‌حمه‌د حاجى ره‌شيد ئه‌ندام ليژنه‌ى دارايى له‌ ئه‌نجومه‌ن نوێنه‌ره‌يل له‌ بڵاوكرياگيگ له‌بان لاپه‌ڕه‌ێ تايبه‌ت خوه‌ى له‌ فه‌يسبوك وت: زانياريه‌يليگ هه‌ن ئاماژه‌ وه‌ ئه‌وه‌ ئه‌كه‌ن ك گوايا هه‌رێم كوردستان نياز فرووشتن نه‌فت ديرێد وه‌ شيوه‌ێگ سه‌روه‌خوه‌ێ و چه‌وه‌ڕێ ئه‌كا به‌غدايش مووچه‌ێ كارمه‌نده‌يلى ره‌وانه‌ بكا، ك ئه‌گه‌ر ئه‌و زانياريه‌يله‌ راس بدێ ئه‌وه‌ رێ وه‌ به‌غدا نادريه‌ێد مووچه‌ ئه‌را هه‌رێم ره‌وانه‌ بكا.

 

حاجى ره‌شيد وت: له‌ناو ليژنه‌ى دارايى باس له‌ ريككه‌فتن ناونى هه‌رێم كوردستان و عادل عه‌بدولمه‌هدى سه‌رۆك حكومه‌ت عراقى كرياگه‌و شماره‌يگ له‌ ئه‌ندامه‌يليش جه‌خت له‌وه‌ كردنه‌ ك ريككه‌فتنيگ ئه‌نجام درياگه‌ له‌بان ئه‌و بنه‌ما ك هه‌رێم نه‌فت خوه‌ێ بفرووشێد و به‌غدايش 454 مليار دينار مووچه‌ێ كارمه‌نده‌يلێ ره‌وانه‌ بكا بيجگه‌ 67 مليار دينار ئه‌را هيزه‌يل پێشمه‌رگه‌.

 

حاجى ره‌شيد هه‌ميش وت: ئيسه‌ باسه‌گه‌ كه‌فته‌سه‌ لاى ئه‌وه‌گ هه‌رێم كوردستان نه‌فته‌گه‌ێ راده‌س ناكاو هه‌ر وه‌و خاتريشه‌ رێ وه‌ سه‌رۆك حكومه‌ت عراق نادريه‌ێد هويچ بڕ پويليگ ره‌وانه‌ى هه‌رێم بكاو يه‌يش ئاقبه‌تى خراو ئه‌نيشێد له‌ حاڵه‌تيگ ئه‌گه‌ر نرخ نه‌فت روێ له‌ داوه‌زين بكاو بايه‌سه‌ له‌بان هه‌رێم وه‌ دقه‌ته‌و ئى مه‌سه‌له‌ له‌يه‌كه‌و بيه‌ێد.