هــــه‌واڵ كــوردى
جواو كوردستان ئه‌را ئيران له‌باره‌ێ ئاڵشت وئوڵشت بازرگانى چه‌ بوێ؟

جواو كوردستان ئه‌را ئيران له‌باره‌ێ ئاڵشت وئوڵشت بازرگانى چه‌ بوێ؟


شه‌فه‌ق نيوز/ عه‌بدولستار مه‌جيد وه‌زير كشتوكاڵ و سه‌رچه‌وه‌يل ئاوێ له‌ حكومه‌ت هه‌رێم كوردستان، وه‌ل وه‌رپرسه‌يل ئيرانى له‌ ته‌هران باس له‌ كاره‌يل هه‌نارده‌كردن و هاورده‌ كرد.

 

مه‌جيد باس له‌وه‌ كرد وته‌سه‌ وه‌رپرسه‌يل ئيرانێ ك جفتياره‌يل كوردستانێ ڕێ وه‌ هاتنه‌ناو كاڵاێ ئێرانى نايه‌ن له‌ حاڵه‌تيگ ئه‌گه‌ر ته‌هران ڕێ وه‌ چگنه‌ناو كاڵاێ كوردستانێ ئه‌را ئيران نه‌يه‌ێد و به‌رهه‌مه‌يل كشتوكاڵييان بدێده‌ زه‌ره‌د.

 

مه‌جيد وت: ئيرانيه‌يل ئاشكراێ قه‌بولكردن داواگه‌ێ كوردستان كردنه‌و ئيسه‌يش بازرگانه‌يل هه‌رێم ئه‌تويه‌نن به‌رهه‌م جفتياره‌يل كوردستانى بسينن و هه‌نارده‌ێ ئيرانى بكه‌ن له‌ڕێ خاڵه‌يل هاوبه‌ش مه‌رزێ.