هــــه‌واڵ كــوردى
پێشمه‌رگه‌ له‌ خورماتوو هه‌وڵ خوه‌يكوشه‌يل داعش پويچه‌ڵ كرد

پێشمه‌رگه‌ له‌ خورماتوو هه‌وڵ خوه‌يكوشه‌يل داعش پويچه‌ڵ كرد


شه‌فه‌ق نيوز/ هيزه‌يل پێشمه‌رگه‌ تويه‌نستن روى وه‌ڕوى هه‌وڵه‌يل ريكخرياگ ترۆريستى داعش بوونه‌و ئه‌را بان كه‌رته‌يليان له‌ خورماتوو ك يه‌يش ئه‌را جار سێيه‌مه‌ له‌ ماوه‌ێ ئى مانگه‌.

 

له‌ى باوه‌ته‌و، ئه‌فسه‌ريگ كورد ئه‌را(شه‌فه‌ق نيوز)وت: چه‌كداره‌يل داعش له‌ناونيانيش خوه‌يكوشه‌يليگ په‌لامار باره‌گاێ فه‌وج 4 له‌ ليواێ 16ێ پێشمه‌رگه‌ دانه‌ له‌ باكوور خوه‌رئاواێ خورماتوو.

 

جى باسه‌، ئه‌فسه‌ره‌گه‌ هه‌ميش وت: جه‌نگ له‌ناونى هه‌ردوگلا فيشتر له‌ دو سه‌عات وه‌رده‌وام بويه‌و خوه‌يكوشه‌يليش ناچار كريانه‌ خوه‌يان بته‌قننه‌و دواێ ئابڵوقه‌داينيان له‌لايه‌ن هيزه‌يل پێشمه‌رگه‌وه‌، وه‌لێ دو پێشمه‌رگه‌يش زه‌خمدار بويه‌و گشت په‌لامارده‌ره‌يل داعش كوشيانه‌.