هــــه‌واڵ عــیراق
فيشتر له‌ 30 هه‌زار كووچبه‌ر گله‌وخواردنه‌ ئه‌را خوه‌رئاواى موسڵ

فيشتر له‌ 30 هه‌زار كووچبه‌ر گله‌وخواردنه‌ ئه‌را خوه‌رئاواى موسڵ


شه‌فه‌ق نيوز/ نه‌ته‌وه‌يل يه‌كگرتگ ئاشكراى گله‌وخواردن نزيكه‌ى 31 هه‌زار كه‌س له‌ خه‌ڵك موسڵ كرد ئه‌را ناوچه‌يليان له‌ خوه‌رئاواى شاره‌گه‌ دوياى ئازادكردن ئه‌و ناوچه‌يليانه‌ له‌ژير ده‌سڵات ريكخرياگ ترۆريستى داعش.

 

له‌ى باوه‌ته‌و، ستيفان دوجاريك قسه‌كه‌ر وه‌ناو ئه‌ميندار گشتى نه‌ته‌وه‌يل يه‌كگرتگ له‌ كۆنگره‌يگ رووژنامه‌گه‌رى وت: نزيكه‌ى 435 هه‌زار كه‌س له‌ ماڵه‌يليان خوه‌يان له‌و ناوچه‌يله‌ ده‌رچينه‌ له‌ سه‌ره‌تاى ده‌سوه‌پيكردن جه‌نگه‌يل و تائيسه‌ نزيكه‌ى 400 هه‌زار له‌ليان له‌ ده‌يشت مه‌رزه‌يل شاره‌گه‌ مه‌ندنه‌و نزيكه‌ى 31 هه‌زار له‌ليان گله‌وخواردنه‌ ئه‌را ناوچه‌يل ئازاد كرياگيان له‌ خوه‌رئاواى موسڵ.

 

جى باسه‌، دوجاريك هه‌ميش وت: ئه‌و مه‌ردميشه‌ ك مه‌ندنه‌ له‌ ناوچه‌يل ژير ده‌سڵات ريكخرياگ ترۆريستى داعش ناڵنن وه‌ده‌س كه‌مى خوه‌راك و خوارده‌مه‌نى وه‌ بوونه‌ى بريان ده‌سميه‌ته‌يل بازرگانى له‌و ناوچه‌يله‌.