هــــه‌واڵ عــیراق
داعش "ئه‌لفه‌تحو‌لموبين" له‌ده‌سدا

داعش "ئه‌لفه‌تحو‌لموبين" له‌ده‌سدا


شه‌فه‌ق نيوز/ سه‌رچه‌وه‌يگ ئاسايشى باس له‌وه‌ كرد ك هيزه‌يل عراقى يه‌كيگ له‌ ده‌روازه‌يل شار موسڵ كۆنترۆڵ كردنه‌ له‌ ديم خوه‌رئاوا له‌ژير ده‌سڵات ريكخرياگ ترۆريسى داعش.

 

سه‌رچه‌وه‌گه‌ له‌ لێدوانيگ تايبه‌ت ئه‌را(شه‌فه‌ق نيوز)وت: هيزه‌يل زريپووش 9 تويه‌نستنه‌ ده‌سڵات بگرنه‌ بان ده‌روازه‌ى بازگه‌ى ئه‌لحامد وه‌ ته‌مامى ك يه‌كيگه‌ له‌ ده‌روازه‌يل خوه‌رئاواى موسڵ.

 

جى باسه‌، هه‌مان سه‌رچه‌وه‌ يه‌يش ده‌رخست ك داعش ناو ئى ده‌روازه‌ ناگه‌ ده‌روازه‌ى "ئه‌لفه‌تحو‌لموبين"، يه‌يش ئاماژه‌يگه‌ ئه‌را ئه‌وه‌گ چه‌كداره‌يل ريكخرياگ ترۆريستى شايه‌ت له‌ى ده‌روازه‌وه‌ له‌ساڵ 2014 هاتنه‌سه‌ ناو شاره‌گه‌.