هــــه‌واڵ عــیراق
2 رفياگ له‌ به‌غدا ئازاد كريان و 4 رفاننكاريش ده‌سگير كريان

2 رفياگ له‌ به‌غدا ئازاد كريان و 4 رفاننكاريش ده‌سگير كريان


شه‌فه‌ق نيوز/ سه‌ركردايه‌تى فه‌رمانده‌يى به‌غدا ئاشكراى ئازادكردن 2 رفياگ و ده‌سگيركردن 4 رفاننكار كرد له‌ خوه‌رهه‌ڵات و خوه‌رئاواى به‌غدا.

 

فه‌رمانده‌يى به‌غدا له‌ به‌ياننامه‌يگ ئه‌را(شه‌فه‌ق نيوز)وت: هيزيگ له‌ فه‌وج 10ى ته‌وارى وه‌ گووره‌ى ده‌سكه‌فتن زانيارى پڕ دقه‌تيگ تويه‌نستگه‌ رفياگيگ ئازاد بكاو 4 كه‌س رفاننكاريش ده‌سگير بكا له‌ وه‌خت گه‌ردينيان له‌ناو سه‌ياره‌ى رفيايه‌گه‌ له‌ نزيك به‌نزيخانه‌ى بابولموعه‌زه‌م له‌ خوه‌رهه‌ڵات به‌غدا.

 

جى باسه‌، به‌ياننامه‌گه‌ هه‌ميش وت: رفياگيگ تر له‌ نزيك عه‌لوه‌ى سه‌يديه‌ له‌ خوه‌رئاواى به‌غدا له‌لايه‌ن هيزيگ تر هاوبه‌شه‌و له‌ ليواى 7 پۆليس ناوه‌ندى و مه‌فره‌زه‌يل تر بازگه‌يل هاوبه‌ش ئازاد كرياگه‌.