شه‌فه‌ق نيوز/ سه‌رچه‌وه‌يگ سياسى باس له‌وه‌ كرد ك شانديگ له‌ يه‌كێتى نيشتمانى كوردستان سه‌ردان به‌غدا ئه‌كا له‌وه‌ر تاووتوێكردن چه‌ن دوسيه‌يگ وه‌ل كوتله‌يل سياسى.

سه‌رچه‌وه‌گه‌ ئه‌را شه‌فه‌ق نيوز وت: شانديگ له‌ يه‌كێتى نيشتمانى له‌ڕێ سه‌ردانيه‌و ئه‌را به‌فدا بڕيگ دوسيه‌ وه‌ل كوتله‌يل سياسى باس ئه‌كاو له‌وانه‌يش دامه‌زرانن حكومه‌ت عراقى و كانديده‌يل كوتله‌يل سياسى ئه‌را وه‌زاره‌ته‌يل ك مه‌ندنه‌سه‌و له‌ حكومه‌ت عه‌بدولمه‌هدى.

سه‌رچه‌وه‌گه‌ هه‌ميش وت: ئه‌و شانده‌ يه‌كێتيه‌ مه‌سه‌له‌ێ هه‌قه‌ هه‌ڵوژاردنيه‌گه‌ێ ئه‌خاده‌ وه‌رده‌م كوتله‌يل سياسى و مه‌يل يه‌كێتى نيشتمانى ئه‌را وه‌رگرتن پۆستيگ وه‌زارى، وه‌لێ هيمان واده‌ى سه‌رداين ئه‌و شانده‌ يه‌كێتى نيشتمانيه‌ ئه‌را به‌غدا ديارێ نه‌كرياگه‌و باس له‌وه‌ ئه‌كريه‌ێد واده‌گه‌ێ نزيكه‌.