مێژوو
میرنشینى ھەزبانی

میرنشینى ھەزبانی


شه‌فه‌ق نيوز/ ئى ميرنشينه له‌ ساڵ ٣٤٧ – ٥٣٤ /١٠٤٦ – ١١٣٩ز لە شاری ھەولێر دەرکەفتگە، ئمجا وه‌ گووره‌ێ مێژوو ئه‌وه‌يش ده‌ركه‌فتگه‌ ك ئى ميرنيشينيه‌ فه‌رمانڕه‌وايه‌تى سه‌رجه‌م ناوچه‌يل ده‌ورگرد هه‌ولێريش كردگه‌.

 

له‌ ناودارترين ميره‌يل ئى ميرنشينى كورده‌، عيسا كوڕ مووساێ هه‌زبانى و مير ئه‌بولحه‌سه‌ن كوڕ موسكى هه‌زبانى بوينه‌.

 

له‌ شوون هان سه‌لجوقيه‌يل زوورم ميرنشينيه‌يل كورد كپه‌و بوين و دامركيان و روێ وه‌ره‌و نه‌مه‌ندن كردن، وه‌لێ رۆڵ و هه‌وڵ و خه‌بات كورد وه‌ل ئه‌وه‌يشا هه‌ر وه‌رده‌وام بوێ و له‌ جه‌نگ وه‌ناوبانگ مه‌لازگرد كورد هاوكارى سه‌لجوقيه‌يل كرد و ئه‌وه‌ بوى له‌و جه‌نگه‌ سه‌ركه‌فتن له‌بان رووميه‌يل.

 

له‌ وه‌خته‌يل هاتن مه‌غوله‌يليش، كوردستان روێ وه‌ڕوێ كاولكارێ و ويرانكارێ فريه‌يگ بويه‌وه‌و تويش زه‌ره‌ده‌يل فريه‌يگيش هات، چوينكه‌ هه‌م هه‌رێمه‌يل كوردستانى ئه‌را مه‌غۆليه‌يل گرينگ بوى و گرينگى فريه‌يگ وه‌پى ديان، هه‌ميش له‌وه‌ر ئه‌وه‌گ كه‌فته‌ بان ڕييان ئه‌را به‌غدا و شام، هه‌ر له‌وه‌ر ئه‌وه‌يش كوردستان له‌ سه‌ده‌ێ ٧ک / ١٣ز فريه‌ترين زه‌ره‌ده‌يليگ له‌لى كه‌فت.

 

له‌ ماوه‌ێ ده‌سڵاتدارێتى هيزه‌يل داگيركه‌ر كوردستان بيجگه‌ زوڵم و زوور فره‌يگ، وه‌لێ وه‌ل ئه‌وه‌يشا ده‌سڵات سياسى له‌ كوردستان وه‌ ته‌مامى له‌ناو نه‌چێ و چه‌نه‌ها ميرنشين و ده‌سڵاتدارێتى كورد له‌ ناوچه‌يل جياجياێ كوردستان فه‌رمانڕه‌وايى كرديان و هيزه‌يل جه‌لائيرى و ته‌يمورى و قه‌ره‌ئۆينلۆ....هتد كوردستان كردوێنه مه‌يدان جه‌نگ و كيشمه‌كيش، ئه‌ويش تا ده‌ركه‌فتن عوسمانيه‌يل و جه‌نگ چاڵدێران له‌ ساڵ ١٥١٤ زايينى، ك مير شه‌ره‌فخان به‌دليسى له‌ كتاو شه‌ره‌فنامه‌ زانيارێ گرينگ تۆمار كردگه‌ له‌بان ئه‌و ده‌سڵاتدارێتێ كورده‌.

ويكيپيديا