هــــه‌واڵ كــوردى
بارزانى موباره‌كبايى له‌ ئه‌ردوغان و يڵدريم كرد

بارزانى موباره‌كبايى له‌ ئه‌ردوغان و يڵدريم كرد


شه‌فه‌ق نيوز/ مه‌سعود بارزانى سه‌رۆك هه‌رێم كوردستان دو به‌رقيه‌ى موباره‌كبايى ئاراسته‌ى سه‌رۆك كۆمار و سه‌رۆك حكومه‌ت توركى كرد وه‌ بوونه‌ى سه‌ركه‌فتن ئه‌و راپرسيه‌ ك ئه‌نجام گرت له‌بان راسه‌وكردن ده‌ستوورى له‌ 16ى نيسان.

 

دوياى ئه‌وه‌گ له‌ رووژ يه‌كشه‌ممه‌ى گوزه‌يشت پرووسه‌ى راپرسى ئه‌نجام   دريا له‌بان راسه‌وكردن ده‌ستوور له‌ توركيا ك ده‌سڵات فيشتر دريا سه‌رۆك كۆمار، مه‌سعود بارزانى سه‌رۆك هه‌رێم كوردستان دو به‌رقيه‌ى موباره‌كبايى ئاراسته‌ى ره‌جه‌ب ته‌يب ئه‌ردوغان سه‌رۆك توركى و بن عه‌لى يڵدريم سه‌رۆك حكومه‌ته‌گه‌ى كرد.

 

جى باسه‌، 51% له‌ ده‌نگده‌ره‌يل تورك ده‌نگ له‌بان راسه‌وكردن ده‌ستوور دان له‌ وه‌رانوه‌ر ناڕه‌زايه‌تى 9% له‌ ده‌نگده‌ره‌يل.