هــــه‌واڵ كــوردى
حكومه‌ت كوردستان تومه‌تيگ ئيران له‌باره‌ێ خوه‌ينيشانداينه‌يل ره‌ته‌و كرد

حكومه‌ت كوردستان تومه‌تيگ ئيران له‌باره‌ێ خوه‌ينيشانداينه‌يل ره‌ته‌و كرد


شه‌فه‌ق نيوز/ حكومه‌ت هه‌رێم كوردستان، سه‌رسوڕمه‌نين خوه‌ى ده‌رخست له‌ لێدوانه‌يل موحسن ڕه‌زایى، ئه‌ميندار گشتیى ئه‌نجومه‌ن ده‌سنیشانكردن به‌رژوه‌نديه‌يل ئێران ك له‌تى تومه‌تبار هه‌ولێر كرد وه‌ ئه‌وه‌گ ئداره‌ێ ئه‌و خوه‌ينيشانداينه‌يله‌ ئه‌كا ك ئيسه‌ شاره‌يل ئيران گرته‌سه‌وه‌و ئاماژه‌ وه‌يه‌يش كرد ك هه‌رێم وه‌ كرده‌وه‌ ئسپات ئه‌وه‌ كردگه‌ ك هه‌ميشه‌ فاكته‌ر ئارامى و سه‌قامگيرى ناوچه‌گه‌ بويه‌ وه‌ شيوه‌ێگ گشتى.

 

له‌ى باوه‌ته‌و، سه‌فين دزه‌يى قسه‌كه‌ر فه‌رمى حكومه‌ت هه‌رێم وت: ماڵپه‌ڕ ته‌سنيم ئيرانى له‌ زووان ره‌زايى تومه‌ته‌يليگ بى بنه‌ما له‌ دژ هه‌رێم كوردستان بڵاو كردگه‌ ك گوايا خوه‌ينيشانداينه‌يل ئيران له‌ هه‌ولێره‌و ئداره‌ ئه‌كريه‌ن!.

 

دزه‌يى جه‌خت له‌وه‌ كرد حكومه‌ته‌گه‌ێ وه‌گشت شيوه‌ێگ ئى تومه‌ته‌يل هه‌ڵواسرياگه‌ ره‌ته‌و ئه‌كا ك هويچ بنه‌مايگ نه‌يرێد و دويرن له‌ ڕاسى و ئاماژه‌ وه‌يه‌يش كرد ك هه‌رێم وه‌ كرده‌وه‌ ئسپات ئه‌وه‌ كردگه‌ ك هه‌ميشه‌ فاكته‌ر ئارامى و سه‌قامگيرى بويه‌ له‌ ناوچه‌گه‌و هويچ وه‌ختيگ ڕى نايه‌ێد بدێده‌ هووكاريگ ئه‌را ئاڵوزى و دروسكردن گرژێ له‌ وڵاته‌يل هاوسا.