هــــه‌واڵ كــوردى
كوردستان هه‌ڵويست خوه‌ێ له‌باره‌ێ ده‌روازه‌يل ناتۆماركرياێ ئاشكرا كرد

كوردستان هه‌ڵويست خوه‌ێ له‌باره‌ێ ده‌روازه‌يل ناتۆماركرياێ ئاشكرا كرد


شه‌فه‌ق نيوز/ غورفه‌ى بازرگانى و پيشه‌سازى له‌ پاريزگاى سلێمانى، بڕيار كووتايى خوه‌ێ ده‌رخست له‌ وه‌رده‌وامى كار ده‌روازه‌يل مه‌رزێ ناتۆماركرياێ ك حكومه‌ت ناوه‌ندى له‌ به‌غدا وه‌ نافه‌رمى تاريفيان ئه‌كا.

 

له‌ى باوه‌ته‌و، سيروان محه‌مه‌د سه‌رۆك غورفه‌ى بازرگانى له‌ به‌ياننامه‌يگ وت: دانيشتنيگ له‌ناو باڵه‌خانه‌ێ پاريزگاى سلێمانى وه‌ ئاماده‌بوين پاريزگار و به‌شدارى وه‌رپرسه‌يليگ ك نوێنه‌رايه‌تى ئه‌و ده‌ورازه‌يله‌ ئه‌كه‌ن له‌ پاريزگاى هه‌ڵه‌بجه‌و قه‌زاى ده‌ربه‌نديخان و قه‌ڵادزه‌و له‌و دانيشتنه‌و دوياى تاوتويكردن ره‌سيمنه‌ ئه‌و ده‌رئه‌نجامه‌ ك گشت ده‌روازه‌يل وه‌رده‌وام بوون له‌ كاره‌يليان و واز بوون له‌وه‌رده‌م بازرگانه‌يل و كاسبكاره‌يل.

 

جى باسه‌، محه‌مه‌د ئاماژه‌ وه‌يه‌يش كرد ك پاريزگار سلێمانى وه‌رده‌وام ئه‌دێ له‌ هه‌وڵه‌يلێ وه‌ل لايه‌نه‌يل عراقى ئه‌را چاره‌سه‌ر ئه‌و مه‌سه‌له‌ وه‌بى روێداين كيشه‌ ئه‌را بازرگان و كاسبكاره‌يل.