هــــه‌واڵ كــوردى
شه‌ش حزب كوردستانى داواى هه‌ڵوه‌شاننه‌وه‌ى ئاكام هه‌ڵوژارنه‌يل ئه‌كه‌ن

شه‌ش حزب كوردستانى داواى هه‌ڵوه‌شاننه‌وه‌ى ئاكام هه‌ڵوژارنه‌يل ئه‌كه‌ن


شه‌فه‌ق نيوز/ شه‌ش حزب كوردستانى داوا له‌ كۆمسيۆن باڵاى سه‌روه‌خوه‌ى هه‌ڵوژاردنه‌يل كردن ئاكام هه‌ڵوژاردنه‌يل ته‌شريعى عراقى هه‌ڵوه‌شنێده‌وه‌و جاريگتر پرووسه‌گه‌ دوباره‌وه‌ بكريه‌ێد له‌ هه‌رێم كوردستان و ناوچه‌يل كيشه‌ له‌سه‌ر له‌ناونى هه‌ولێر و به‌غداو له‌ هه‌مان وه‌خت تومه‌تبار يه‌كێتى نيشتمانى كوردستانييش كردن وه‌ ساخته‌كردن ئاكامه‌يل له‌ به‌رژه‌وه‌نديى.

 

موسه‌نا ئه‌مين سه‌ركرده‌ له‌ يه‌كێتى ئسلامى كوردستان له‌ كۆنگره‌يگ رووژنامه‌گه‌رى ك ئه‌نجاى دا وه‌ل باقى نوێنه‌ره‌يل تر په‌نج حزبه‌گه‌ێ تر له‌ شار سلێمانى، وت: داوا له‌ كۆمسيۆن باڵا ئه‌كه‌يم ئاكام هه‌ڵوژاردنه‌يل هه‌ڵوه‌شنێده‌وه‌و دوباره‌ له‌ هه‌رێم كوردستان ئه‌نجامى بيه‌ێد.

 

جى باسه‌، ئه‌مين هه‌ميش وت: ئه‌و شه‌ش حزبه‌ ئاكامه‌يل هه‌ڵوژاردن ره‌ته‌و ئه‌كه‌ن و ئى گه‌مه‌بازى و وازيكردنه‌ وه‌ ده‌نگ ده‌نگده‌ره‌يل قه‌بول ناكه‌ن و باسيش له‌وه‌ كرد ك به‌ڵگه‌ ديرن ئه‌را چه‌سپانن ئه‌و ده‌سكارى و وازيكردنه‌ وه‌ ئاكامه‌يل و ساخته‌كردنى.