هــــه‌واڵ عــیراق
سعوديه‌ موباره‌كبايى ئازادكردن ئه‌لقائم له‌ عراق كرد

سعوديه‌ موباره‌كبايى ئازادكردن ئه‌لقائم له‌ عراق كرد


شه‌فه‌ق نيوز/ وزاره‌ت خارجيه‌ى سعودى موباره‌كبايى ئازادكردن قه‌زاى ئه‌لقائم كرد له‌ خوه‌رئاواى پاريزگاى ئه‌نبار له‌ژير ده‌سڵات ريكخرياگ ترۆريستى داعش.

 

له‌ى باوه‌ته‌و، سه‌رچه‌وه‌يگ وه‌رپرسيگ له‌ خارجيه‌ى سعودى ئاماژه‌ وه‌و سه‌ركه‌فتنه‌يل يه‌ك له‌شوون يه‌كه‌ كرد ك رووڵه‌يل عراق ئه‌نجامى ئه‌يه‌ن ئه‌را له‌ناوبردن ريكخرياگ داعش و له‌نوو باس له‌ وسيان شانشين عه‌ره‌بى سعوديه‌ كرد وه‌ل كۆمار عراق له‌ هه‌وڵ له‌ناوبردن ئه‌و ريكخرياگ ترۆريستيه‌.

 

جى باسه‌، دويه‌كه‌ حه‌يده‌ر عبادى ئاشكراى ئازادكردن قه‌زاى ئه‌لقائم كرد له‌لايه‌ن هيزه‌يل عراقيه‌و وه‌ل كووتاييهاوردن يه‌كه‌م گه‌شت له‌ راوناين ئه‌و ريكخرياگ ترۆريستيه‌ له‌ دويا بنگه‌يلى له‌ عراق.