هــــه‌واڵ جیــهانى
فره‌نسا لێدوانه‌يل ئه‌سه‌د له‌ باوه‌ت په‌لامار كيمياوى وه‌ دروو تاريف كرد

فره‌نسا لێدوانه‌يل ئه‌سه‌د له‌ باوه‌ت په‌لامار كيمياوى وه‌ دروو تاريف كرد


شه‌فه‌ق نيوز/ جاك مارك ئيرۆلت وه‌زير خارجيه‌ى فره‌نسى، لێدوانه‌يل به‌شار ئه‌سه‌د سه‌رۆك سوورى وه‌ "دروو سه‌د له‌سه‌د" تاريف كرد ك له‌تى وت: ئه‌و په‌لامار كيمياويه‌  ك هيزه‌يلى وه‌ ئه‌نجامداينى تومه‌تبار كريا ته‌نيا خه‌ڵه‌تاننيگه‌ ئه‌را وساننه‌وه‌ى په‌لاماره‌يل ئه‌مريكى.

 

ئيرۆلت له‌ په‌كين له‌ جواودانه‌وه‌ى لێدوانه‌يل سه‌رۆك سوورى له‌ ديمانه‌يگ تايبه‌ت وه‌ل ئاژانس فرانس پرێس وت: ئه‌و لێدوانه‌يل ئه‌سه‌ده‌ سه‌د له‌سه‌د درووه‌ و دعايه‌ى ره‌سانن و دڕنده‌يى و ناڕه‌واييه‌.

 

جى باسه‌، به‌شار ئه‌سه‌د سه‌رۆك سوورى ئه‌و په‌لامار كيمياويه‌ ئه‌را بان شار خان شيخون له‌ باكوور خوه‌رئاواى سوريا وه‌ دروسكرياگ وه‌ ريژه‌ى 100% باس كرد و ئاماژه‌ وه‌يه‌يش كرد ك وڵاته‌يل يه‌كگرتگ جددى نيه‌ له‌ ره‌سين ئه‌را هه‌ر چاره‌سه‌ريگ سياسى له‌ سوريا.