هــــه‌واڵ كــوردى
نه‌ته‌وه‌يل يه‌كگرتگ په‌لاماريگ وه‌ چه‌ك قورس له‌ سلێمانى ئيدانه‌ ئه‌كا

نه‌ته‌وه‌يل يه‌كگرتگ په‌لاماريگ وه‌ چه‌ك قورس له‌ سلێمانى ئيدانه‌ ئه‌كا


شه‌فه‌ق نيوز/ سه‌ندووق نه‌ته‌وه‌يل يه‌كگرتگ ئه‌را نيشته‌جيبوين له‌ عراق ئه‌و په‌لاماره‌ ئيدانه‌ كرد ك ئه‌نجام دريا ئه‌را بان وه‌ڕيه‌وبه‌رايه‌تى دژ تون وتيژى ئافره‌ته‌يل (DCVAW) له‌ سلێمانى له‌لايه‌ن بڕيگ چه‌كداره‌و ك له‌تى چه‌ك قورس هاوردنه‌ كار.

 

سه‌ندووقه‌گه‌ له‌ به‌ياننامه‌يگ ئه‌را شه‌فه‌ق نيوز وت: هه‌رچه‌نى زانيارى له‌باره‌ى زه‌خمداره‌يل نه‌درياگه‌، وه‌لێ ئه‌يه‌ هيمان جى نگه‌رانيه‌ ئه‌را سه‌ندووق نه‌ته‌وه‌يل يه‌كگرتگ ئه‌را نيشته‌جيبوين ك بايه‌سه‌ نويسينگه‌يل پشتگيرى ئافره‌ته‌يل شوونيگ بدێ ئه‌را ئه‌وه‌گ ئافره‌ته‌يل روێ له‌لى بكه‌ن له‌وه‌ختيگ تويش تون وتيژى ئه‌يه‌ن ده‌رهه‌قيان.

 

جى باسه‌، سه‌ندووق ناوبرياێ هه‌ميش وت: ئى روێداگه‌ جێ داخه‌ ئه‌را ئيچنه‌ په‌لاماره‌يليگ ك روێ ئه‌ياد، يه‌يش له‌وه‌ختيگ گشت جه‌هان و له‌وانه‌يش حكومه‌ت هه‌رێم كوردستان داواى داناين مه‌رزێگ ئه‌كه‌ن ئه‌را ئى خراوى و تون وتيژيه‌ ك ئه‌نجام ئه‌گرێد دژ ئافره‌ته‌يل.