هــــه‌واڵ عــیراق
دادوه‌ريگ ئه‌مريكى فه‌رمان ئازادكردن په‌نابه‌ره‌يل عراقى ده‌ركرد

دادوه‌ريگ ئه‌مريكى فه‌رمان ئازادكردن په‌نابه‌ره‌يل عراقى ده‌ركرد


شه‌فه‌ق نيوز/ دادوه‌ريگ ئه‌مريكى فه‌رمان دا حكومه‌ت ئه‌را ئازادكردن ئه‌و په‌نابه‌ره‌يل عراقيه‌ ك ساڵ گوزه‌يشت ده‌سگير كريانه‌، ئه‌ويش له‌ تازه‌ترين كاره‌يل دادوه‌رى له‌بان هه‌وڵه‌يل ئداره‌ێ دوناڵد ترامپ سه‌رۆك ئه‌مريكى له‌وه‌ر تونه‌وكردن بنه‌مايه‌يل كووچكردن ئه‌را وڵاته‌يل يه‌كگرتگ.

 

له‌ى باوه‌ته‌و، زويتر دادوه‌ر مارك غوڵدسميس له‌ ديترۆێت كووچكردن عراقيه‌يل وسان ك فريه‌يگ له‌ليان مه‌سيحى بوين وه‌تايبه‌ت له‌وانه‌گ ك ئه‌گه‌ر كله‌و بكرياتان ئه‌را عراق تويش سته‌م و زوڵم و چه‌وسيان هاتيان.

 

جى باسه‌، هه‌مان دادوه‌ر له‌ فه‌رمانيگ تازه‌ وت: بايه‌سه‌ گشت ئه‌و عراقيه‌يله‌ ك ده‌سگير كريانه‌ ئازاد بكريه‌ن و هه‌ر وه‌و خاتريشه‌ وزاره‌ت داد ئه‌و وڵاته‌ ئه‌و فه‌رمان ئازادكردنه‌ ره‌ته‌و نه‌كرد.