هــــه‌واڵ عــیراق
راپۆرت: ته‌هران عه‌بادى له‌ سه‌در دويرخست

راپۆرت: ته‌هران عه‌بادى له‌ سه‌در دويرخست


شه‌فه‌ق نيوز/ رووژنامه‌ى عه‌كاز سعودى، راپۆرتيگ بڵاوكرد له‌ژير ناونيشان " ئيران خراوه‌كارى له‌ عراق ئه‌كاو تايفه‌گه‌رى ئه‌يه‌رێده‌و".

 

رووژنامه‌گه‌ له‌ زووان سه‌رچه‌وه‌يگ متمانه‌داريگ ك خوه‌ى تاريفى كرد، وت: حه‌يده‌ر عه‌بادى سه‌رۆك ئه‌نجومه‌ن وه‌زيره‌يل له‌ موقته‌دا سه‌در سه‌ركرده‌ى ره‌وت سه‌درى دويره‌و خرياگه‌و ده‌رفه‌ت گه‌ورا كه‌فته‌سه‌ لاى هاوپه‌يمانى فه‌تح وه‌ سه‌رۆكايه‌تى هادى عامرى ئه‌ميندار گشتى ريكخرياگ به‌در و ئئتلاف ده‌وڵه‌ت ياسا وه‌ سه‌رۆكايه‌تى نورى مالكى جيگر سه‌رۆك كۆمار دوياى ئه‌وه‌گ نه‌سر وه‌ليا هاوپه‌يمانى كرد ئه‌را دامه‌زرانن فراكسيۆن گه‌ورا له‌ په‌رله‌مان و هه‌ڵوژاردن سه‌رۆك وه‌زيره‌يل تازه‌.

 

رووژنامه‌گه‌ هه‌ميش وت: ئه‌و پلانه‌ ك ئيره‌جج مه‌سجدى باڵيۆز ئيرانى له‌ عراق داينا هاوسه‌نگه‌ سياسيه‌گه‌ له‌ عراق قه‌ڵبه‌و كرد و كاره‌يل سه‌ركه‌فتن سه‌در كرزه‌و كرد ك دژايه‌تى ده‌خاڵه‌تكارى ئيرانى كرد له‌ وڵاته‌گه‌ى له‌ هه‌ڵوژاردنه‌يل ك مه‌سه‌له‌يشه‌ كيمشه‌كيش تايفى ئه‌يه‌رێده‌و ئه‌را حاڵه‌ت وه‌رين وه‌ئامانج ئه‌وه‌ك عراق بخريه‌ێده‌ قه‌يران روى وه‌ڕوێ بوينه‌وه‌ى هه‌ڕه‌شه‌ى دابه‌شبوين.