هــــه‌واڵ عــیراق
ليژنه‌ێ تازه‌يگ له‌ناونى به‌غدا و كوردستان دامه‌زريا

ليژنه‌ێ تازه‌يگ له‌ناونى به‌غدا و كوردستان دامه‌زريا


شه‌فه‌ق نيوز/ ده‌سه‌ێ ده‌روازه‌يل مه‌رزێ عراقى، ئاشكراى دامه‌زرانن ليژنه‌يگ كرد له‌ هه‌ردوگ حكومه‌ت به‌غدا و هه‌رێم كوردستان، ك ئه‌رك ئى ليژنه‌ وازكردن دو ده‌روازه‌ێ مه‌رزيه‌ له‌ پاريزگاى سلێمانى.

 

له‌ى باوه‌ته‌و، محه‌مه‌د شوێلى قسه‌كه‌ر وه‌ناو ده‌سه‌ێ ناوبرياێ له‌ باسيگ ئه‌را شه‌فه‌ق نيوز وت: ليژنه‌ى حكومى عراقى له‌لايه‌ن كازم ئه‌لعقابى سه‌رۆك ده‌سه‌ێ ده‌روازه‌يل سه‌رۆكايه‌تى ئه‌كريه‌ێد بيجگه‌ ليژنه‌يگ له‌ هه‌رێم كوردستان ك هه‌ر يه‌ك له‌ وه‌ڕيه‌وبه‌ر ده‌روازه‌يل و وه‌ڕيه‌وبه‌ر گومرگ هه‌رێم كوردستان ئه‌گرێده‌ خوه‌ێ

 

شوێلى وت: ئى ليژنه‌ باس له‌ وازكردن هه‌ردوگ ده‌روازه‌ێ كێله‌ و سيروان ئه‌كا له‌ پارێزگاى سلێمانى و يه‌يش ده‌رخست ك ئيسه‌ ليژنه‌گه‌ خه‌ريك كاركردنه‌ له‌ى باوه‌ته‌وه‌و پيشنياره‌يلێ له‌باره‌ێ ئاست و چوينێتى وازكردن ئه‌و ده‌روازه‌يله‌ به‌رزه‌و ئه‌كا ئه‌را حه‌يده‌ر عبادى سه‌رۆك وه‌زيره‌يل ك خاوه‌ن بڕيار يه‌كه‌مه‌ له‌ى باره‌وه‌.