هــــه‌واڵ كــوردى
له‌ رووژه‌يل جه‌شن له‌ دهۆك 507 مناڵ له‌داڵگ بوينه‌

له‌ رووژه‌يل جه‌شن له‌ دهۆك 507 مناڵ له‌داڵگ بوينه‌


شه‌فه‌ق نيوز/ وه‌ڕيه‌وبه‌رايه‌تى گشتى ته‌نردوسى پاريزگاێ دهۆك له‌ هه‌رێم كوردستان، ئاشكراى ئه‌وه‌ كرد ك له‌ ماوه‌ێ چوار رووژ گوزه‌يشت جه‌شن قوربان 507 مناڵ له‌ پاريزگاگه‌ هاتنه‌سه‌ دونياو يه‌يش ده‌رخست ك 31 كه‌سيش له‌ هه‌مان ماوه‌ مردنه‌.

 

له‌ى باوه‌ته‌و، حه‌مزه‌ زريكى وه‌رپرس وه‌ڕيه‌وبه‌رايه‌تيه‌گه‌ وت: له‌ رووژه‌يل جه‌شن قوربان 15 هه‌زار و 112 كه‌س سه‌ردان نه‌خوه‌شخانه‌يل و ناوه‌نده‌يل ته‌ندروسى كردنه‌ له‌ پاريزگاگه‌ وه‌خاتر وه‌گرتن چاره‌سه‌ر ئه‌را نه‌خوه‌شيه‌يل جوراوجوور.

 

جى باسه‌، ناوبرياگ هه‌ميش وت: له‌ ماوه‌ێ ئه‌و چوار رووژه‌ 868 كه‌سيش له‌ نه‌خوه‌شخانه‌يل دهۆك خه‌فتنه‌و 507 مناڵيش هاتنه‌سه‌ دونيا ك 221 له‌ليان كوڕ و 286يش دويه‌ت بوينه‌.