هــــه‌واڵ كــوردى
بارزانى هه‌ڵويست كورد له‌ هه‌ڵوژاردنه‌يل ئه‌را ماكگۆرك باسكرد

بارزانى هه‌ڵويست كورد له‌ هه‌ڵوژاردنه‌يل ئه‌را ماكگۆرك باسكرد


شه‌فه‌ق نيوز/ نێچيروان بارزانى سه‌رۆك وه‌زيره‌يل هه‌رێم كوردستان، وه‌ل شانديگ ئه‌مريكى وه‌ سه‌رۆكايه‌تى برێت ماكگۆرك كلكرياگ تايبه‌ت سه‌رۆك ئه‌مريكى ئه‌را جه‌نگ دژ ريكخرياگ ترۆريستى داعش باس له‌ قوناغ دوياى هه‌ڵوژاردنه‌يل په‌رله‌مانى كرد له‌ عراق.

 

حكومه‌ت هه‌رێم كوردستان له‌ به‌ياننامه‌يگ ئه‌را شه‌فه‌ق نيوز وت: له‌ ديدارى وه‌ل ماكگۆرك باس له‌رێژه‌ى به‌شدارى هاووڵاتيه‌يل هه‌رێم كوردستان كرد له‌ هه‌ڵوژاردنه‌يل په‌رله‌مانى ك فري گه‌وراتر بويه‌ له‌ ريژه‌ى باقى به‌شداربويه‌يل له‌ ناوچه‌يل تر عراق.

 

جى باسه‌، بارزانى هه‌ميش وت: بايه‌سه‌ له‌بان لايه‌نه‌يل سه‌ركه‌فتگ عراقى و لايه‌نه‌يل كوردستانى ده‌س بكه‌نه‌ گفتگوو دامه‌‌زرانن حكومه‌ت تازه‌ى پرووژه‌يل سياسى و ئاوه‌دانكردن و له‌وه‌رچه‌وگرتن ئيسه‌و ئاينده‌ى عراق وه‌ ئه‌وه‌گ لايه‌نه‌يل كورديش رۆڵ كاريگه‌رى له‌تى داشتوون وه‌ل جه‌ختكردن له‌بان مافه‌يل ده‌ستوورێ ئه‌را هه‌رێم كوردستان.