شه‌فه‌ق نيوز/ قوباد تاڵه‌بانى جيگر سه‌رۆك حكومه‌ت هه‌رێم كوردستان له‌ سه‌ردانيگ ك دو رووژ دريژه‌ ديرێد له‌وه‌ر به‌شدارى له‌ ديدار سه‌ركرده‌يل عراقى ره‌سيه‌ به‌غداى پايته‌خت.

سه‌ردانه‌گه‌ى تاڵه‌بانى له‌بان داوه‌ت ناوه‌ند رافده‌ين ئه‌را گفتگوو ئه‌نجام گرت وه‌ ئامانج به‌شدارى له‌ ديداريگ وه‌ هه‌مان ناو ك ئه‌را يه‌كه‌مجاره‌ له‌ به‌غدا ساز ئه‌كريه‌ێد وه‌ به‌شدارى سه‌رۆكايه‌تيه‌يل عراقى و نوێنه‌ره‌يل شماره‌يگ له‌ ده‌وڵه‌ته‌يل و وه‌زيره‌يل و نوێنه‌ره‌يل و نوخبه‌ى سياسى و فكرى و ئه‌كاديمى ناوچه‌يى و بيگانه‌.

له‌و ديداره‌ ديداريگ تايبه‌ت وه‌ل تاڵه‌بانى ساز ئه‌كريه‌ێد له‌باره‌ى روێداگه‌يل هه‌ردوگ مه‌يدان سياسى و ئابوورى له‌ عراق و ناوچه‌گه‌و چه‌ويشى ئه‌كه‌فێده‌ بڕيگ كه‌سايه‌تى و وه‌پرس باڵاى عراقى و ئه‌كاديمى و نوێنه‌ره‌يل بيگانه‌و له‌تى ديد خوه‌ى و حکومەت هەرێم لەبان مه‌سه‌له‌يل خاسسازی و ئابووری و کەرت وزە و ئایندەی عراق و مه‌سه‌له‌يل ناوچەگه‌ باس ئه‌كا.