هــــه‌واڵ عــیراق
دادگاى عراقى ئيفاده‌ى ئه‌و پياوه‌ ئاشكرا كرد سێ رووڵه‌ێ خوه‌ى كوشتگه‌

دادگاى عراقى ئيفاده‌ى ئه‌و پياوه‌ ئاشكرا كرد سێ رووڵه‌ێ خوه‌ى كوشتگه‌


شه‌فه‌ق نيوز/ دادگاى به‌نى سعه‌د سه‌ر وه‌ سه‌رۆكايه‌تى دادگاى ئستئناف دياله‌، ئيفاده‌ى ئه‌و پياوه‌ ئاشكرا كرد ك سێ رووڵه‌ێ خوه‌ى كوشتگه‌ له‌ ناحيه‌ى به‌نى سعه‌د له‌ئاكام ناكووكى خيزانى.

 

له‌ى باوه‌ته‌و، ناوه‌ند ره‌سانن ئه‌نجومه‌ن دادوه‌رى وت: ئه‌و تاوانباره‌ له‌وه‌رده‌م دادوه‌رى په‌يجوورى دگان وه‌ كوشتن هه‌رسێ رووڵه‌يلى ناگه‌ له‌وه‌ر ئه‌وه‌گ نه‌تواستنه‌ گله‌و بخوه‌ن ئه‌را ناحيه‌ى مه‌نه‌لى شوون ره‌سه‌ن خوه‌يان و يه‌يش بويه‌سه‌ هووكار ناكووكى گه‌ورايگ له‌ناونيان.

 

ناوه‌نده‌گه‌ وت: باوگه‌گه‌ ك تاوانباره‌، له‌ خه‌و هه‌ڵسياگه‌و چيه‌ وه‌ره‌و بان كاره‌گه‌ى له‌ نزيك ماڵه‌گه‌ى خوه‌ى و تفه‌نگيگ كڵاشنكۆف هاوردگه‌ وه‌ مه‌خزه‌نيگ پڕ له‌ گوله‌و ئه‌و تاوانه‌ ئه‌نجام داگه‌ هه‌ناى ك رووڵه‌يلى له‌ خه‌و بوينه‌و ته‌قه‌يش له‌ كوڕ چواره‌مى كردگه‌، وه‌لێ كوڕ چواره‌مى قورتار له‌ مردن بويه‌ دوياى ئه‌وه‌گ قاپى غورفه‌گه‌ى له‌ خوه‌ى به‌ساگه‌.