هــــه‌واڵ عــیراق
تونى بلێر دگان وه‌ هه‌ڵه‌ێ خوه‌ێ نه‌ێد له‌ جه‌نگ عراق

تونى بلێر دگان وه‌ هه‌ڵه‌ێ خوه‌ێ نه‌ێد له‌ جه‌نگ عراق


شه‌فه‌ق نيوز/ تونى بلێر سه‌رۆك وه‌رين وه‌زيره‌يل بريتانى، وت: قسه‌ وه‌رده‌وامه‌ له‌باره‌ى جه‌نگ عراق و ته‌ئكيده‌يليگ له‌و وه‌خته‌يله‌ وه‌ ئه‌وه‌گ به‌غدا چه‌ك جه‌مكوش داشتگه‌ وه‌ گووره‌ى زانياريه‌يل هه‌واڵگرى.

 

له‌ى باوه‌ته‌و، تووڕ CNN له‌زووان بلێر ك شه‌فه‌ق نيوز ئاگادارێ بوى وت: ئه‌خوازم بارمه‌ هوير عراقيه‌يل چ باوه‌ڕ بكه‌ن يا نه‌كه‌ن، ك شه‌ش ليژنه‌ى په‌يجوورى جياجيا بويه‌ له‌باره‌ى جه‌نگ عراق و گشتيانيش ره‌سوێنه‌ باوه‌ڕ هاوبه‌شيگ وه‌ ئه‌وه‌گ شايه‌ت حكومه‌ته‌يل هه‌ڵه‌ كردوين له‌ بڕيار جه‌نگ و ئى قسه‌يل منيشه‌ دروو نيه‌.

 

باس له‌وه‌يش ئه‌كريه‌ێد بلێر دڵته‌نگى خوه‌ى ده‌رخستگه‌ ئه‌را ئه‌و روێداگه‌يل ك كه‌فته‌سه‌و له‌ عراق دوياى ده‌خاڵه‌ت سه‌ربازى ئه‌را رمانن سه‌دام حسێن و له‌ هه‌مان وه‌خت كوڕيشه‌ له‌بان ئه‌وه‌گ ئه‌و برياريشه‌ وه‌ نيه‌ت خاسيه‌گه‌و داگه‌ له‌ساڵ 2003.