هــــه‌واڵ كــوردى
وه‌زير خارجيه‌ێ ئه‌مريكى هه‌ڵويست وڵاته‌گه‌ێ له‌باره‌ێ راپرسێ ئه‌را بارزانى ده‌رخست

وه‌زير خارجيه‌ێ ئه‌مريكى هه‌ڵويست وڵاته‌گه‌ێ له‌باره‌ێ راپرسێ ئه‌را بارزانى ده‌رخست


شه‌فه‌ق نيوز/ ريكس تيلرسۆن وه‌زير خارجيه‌ێ ئه‌مريكى، له‌ په‌يوه‌ندييگ ته‌له‌فۆنى وه‌ل مه‌سعود بارزانێ سه‌رۆك هه‌رێم كوردستان باس له‌ دويا روێداگه‌يل سياسى و ئاسايشى له‌ عراق كرد وه‌ل ئازايه‌تى پێشمه‌رگه‌و رۆليان له‌ راوناين ريكخرياگ ترۆريستى داعش له‌ شار موسڵ.

 

باڵوێزخانه‌ێ وڵاته‌يل يه‌كگرتگ له‌ هه‌ولێر له‌ به‌ياننامه‌يگ ك له‌بان ماڵپه‌ڕه‌ فه‌رميه‌گه‌ێ بڵاو كريا، وت: تيلرسۆن له‌و په‌يوه‌ندێ ته‌له‌فۆنيه‌ ناڕه‌زايه‌تى وڵاته‌گه‌ێ ئه‌را ئه‌نجامداين راپرسێ سه‌روه‌خوه‌يى هه‌رێم له‌ 25 ئه‌يلوول ئاينده‌ ده‌رخستگه‌.

 

جى باسه‌، به‌ياننامه‌گه‌ باس له‌وه‌يش كرد ك وڵاته‌يل يه‌كگرتگ جه‌خت وه‌رده‌واميش له‌ عراقيگ يه‌كگرتگ و ديموكراسى كردگه‌.