هــــه‌واڵ كــوردى
بارزانى چه‌وى كه‌فته‌ وه‌زير خارجيه‌ى ئه‌ڵمانى

بارزانى چه‌وى كه‌فته‌ وه‌زير خارجيه‌ى ئه‌ڵمانى


شه‌فه‌ق نيوز/ مه‌سعود بارزانى سه‌رۆك هه‌رێم كوردستان دانيشتنيگ وه‌ل زيغمار غابريل وه‌زير خارجيه‌ى ئه‌ڵمانى له‌ هه‌ولێر پايته‌خت هه‌رێم ساز كرد.

 

له‌ى باوه‌ته‌و، سه‌رچه‌وه‌يل ميديايى كوردستانى باس له‌وه‌ كردن ك بارزانى له‌ باره‌گاى دانيشتنى له‌ پيرمام دانيشتنيگ وه‌ل غابريل ساز كردگه‌و هه‌ردوگڵا له‌و دانيشتنه‌ باس له‌ جه‌نگ دژ ريكخرياگ ترۆريستى داعش و چه‌ن كيشه‌يگ تر تايبه‌ت وه‌ ناوچه‌گه‌ كردنه‌.

 

جى باسه‌، زيغمار غابريل وه‌زير خارجيه‌ى ئه‌ڵمانى دويه‌ ئيواره‌ له‌ به‌غداى پايته‌خت عراقيه‌و ره‌سيه‌ هه‌ولێر پايته‌خت هه‌رێم كوردستان و له‌لايه‌ن نه‌يچێروان بارزانى سه‌رۆك حكومه‌ت هه‌رێم و كه‌ريم سنجارى وه‌زير ناوخوه‌يى و شماره‌يگ تر له‌ وه‌رپرسه‌يل حكومى له‌ هه‌رێم پيشوازى له‌لى كريا.