هــــه‌واڵ عــیراق
يه‌كه‌م ته‌عليقيگ له‌ توركيا ده‌ر‌باره‌ى وشكه‌وبوين "دجله‌" له‌ عراق

يه‌كه‌م ته‌عليقيگ له‌ توركيا ده‌ر‌باره‌ى وشكه‌وبوين "دجله‌" له‌ عراق


شه‌فه‌ق نيوز/ فاتح يه‌ڵدز باڵوێز توركى له‌به‌غدا، ته‌عليق دا له‌بان كاردانه‌وه‌ى فه‌رمى و مه‌ردمى عراقى له‌ئامك وشكه‌وبوين ده‌رياچه‌ێ دجله‌، ئه‌ويش دوياى ئه‌وه‌گ حكومه‌ت توركى ده‌سكرده‌ پڕكردن وه‌ربه‌س ئيليسو ك له‌بان ئاو دجله‌ دامه‌زريا.

 

يه‌ڵدز له‌بان هساو تايبه‌ت خوه‌ى له‌ توێته‌ر وتگه‌: شكايه‌ت دووسه‌يل عراقيمان دوينم ده‌رباره‌ى ئاو، گشت شكايه‌ت و نامه‌يلدان وه‌رئه‌گرم و ئه‌ڕه‌سنمه‌ى پايته‌خته‌گه‌م نه‌ك له‌وه‌ر ئه‌وه‌گ من باڵوێزم ئه‌يه‌ وه‌زيفه‌مه‌، به‌ڵكوو جوور هاوڕييگ ئه‌رادان و جوور يه‌كيگ له‌ به‌غداديه‌يل.

 

جى باسه‌، يه‌ڵدز هه‌ميش وتگه‌: له‌باوه‌ته‌و ئه‌خوازم له‌ليدان چه‌ن راسييگ بزانين، توركيا فكره‌ى خوه‌ى ده‌رخست سه‌باره‌ت وه‌ هاوكارى هه‌ناى ك ئه‌مباركردن ئاوه‌يل له‌ وه‌ربه‌س ئيليسۆ دوياخست و ئيجاريشه‌ وه‌رجه‌ ده‌سكردن وه‌ دڵته‌نگى جاريگتر هاوكارى نمايشكرد و وه‌رجه‌ ماوه‌يگيش ميواندارى شانديگ ته‌كنيكى عراقى كرديم له‌ توركيا، يه‌يش له‌وه‌ختيگ ك توركيا گاميگ وه‌بى راوێژكارى هاوساێ نانه‌ێد و ئى گاميشه‌ وه‌ راوێژكارى هاوساى ئه‌نجام درياگه‌و باس له‌وه‌يش كرد ك وڵاته‌گه‌ى وه‌رده‌وام ئه‌دێ له‌ ده‌سميه‌تداين عراق وه‌ تايبه‌ت له‌باره‌ى ئاوه‌يل دجله‌و فورات و ئداره‌كردن ئى ئاوه‌يله‌ وه‌شێوه‌ى دروسيگ.