هــــه‌واڵ كــوردى
يه‌كێتى ئاشكراێ كاراكردن په‌رله‌مان و گله‌وخواردن وه‌زيره‌يل گۆڕان كرد

يه‌كێتى ئاشكراێ كاراكردن په‌رله‌مان و گله‌وخواردن وه‌زيره‌يل گۆڕان كرد


شه‌فه‌ق نيوز/ سه‌عدى ئه‌حمه‌د پيره‌ سه‌ركرده‌ له‌ يه‌كێتى نيشتمانى كوردستان، باس له‌وه‌ كرد و وت: ئه‌و ريككه‌فتنه‌ ك حزبه‌گه‌ێ ئه‌نجامى داگه‌ وه‌ل پارت ديموكرات كوردستان ئه‌را كاراكردن په‌رله‌مان هه‌رێم له‌ به‌رژه‌وه‌ندێ گشت لايه‌نه‌يل سياسيه‌و له‌ هه‌مان وه‌خت جه‌ختيش له‌بان بڕيار چاره‌نويس كرد ك بڕياره‌ له‌ ئه‌يلوول ئاينده‌ ئه‌نجام بگرێد ئه‌را سه‌روه‌خوه‌يى كوردستان عراق و يه‌يش ده‌رخست ئى مه‌سه‌له‌ هويچ كيشه‌يگ ياسايى له‌باره‌يه‌و نيه‌.

 

پيره‌ له‌ كۆنگره‌يگ رووژنامه‌گه‌رى له‌ هه‌ولێر وت: ئه‌نجامداين راپرسى هه‌وه‌جه‌ وه‌ په‌رله‌مان ديرێد، چوينكه‌ ئه‌گه‌ر وه‌ختيگ ياسايى وه‌ربگرێد بته‌وتر ئه‌دێ له‌وه‌گ ته‌نيا وه‌ فه‌رمانيگ ئداريگ ئه‌نجام بگرێد.

 

پيره‌ له‌باره‌ى كاراكردن په‌رله‌مان هه‌رێميش وت: دانيشتن يه‌كه‌م يوسف محه‌مه‌د سه‌رۆك ئيسه‌ێ په‌رله‌مان سه‌رۆكايه‌تى ئه‌كاو دوياێ ئه‌ويش جيگره‌گه‌ى سه‌رۆكايه‌تى دانيشتن تر ئه‌كا تا فراكسيۆن گۆڕان بتويه‌نێد سه‌رۆك تازه‌ێ ئه‌را په‌رله‌مان كوردستان هه‌ڵوژنێد و دوياخريش ده‌نگ له‌بانى بدريه‌ێد.

 

جى باسه‌، پيره‌ له‌باره‌ى گله‌وخواردن وه‌زيره‌يل گۆڕانيش ئه‌را بان كاره‌يليان له‌ حكومه‌ت وت: ئى ريككه‌فتنه‌ كرده‌وه‌ييه‌و له‌ هه‌مان وه‌ختگونجياگيشه‌ ئه‌را چاره‌سه‌ر كيشه‌يل ناوخوه‌يى، يه‌يش له‌وه‌ختيگ ك سه‌رچه‌وه‌يل ئاگادار ئه‌وه‌ ه‌رخستن ك هه‌ردوگ حزب سه‌ره‌كى پارتى و يه‌كێتى له‌ دانيشتنيگ نائاشكرا ريككه‌فتنه‌ له‌بان كاراكرن په‌رله‌مان كوردستان وه‌ سه‌رۆك ئيسه‌يه‌و وه‌خاتر چاره‌سه‌ر كيشه‌يل ناوخوه‌يى هه‌رێم و پيشنيار گله‌وخواردن وه‌زيره‌يل بزووتنه‌وه‌ێ گۆڕانيش كردن ئه‌را پۆسته‌يليان له‌ حكومه‌ت.