هــــه‌واڵ عــیراق
نويسينگه‌ى عبادى له‌باره‌ى "ديدار سيستانى" ئاشكراكردنيگ دا

نويسينگه‌ى عبادى له‌باره‌ى "ديدار سيستانى" ئاشكراكردنيگ دا


شه‌فه‌ق نيوز/ نويسينگه‌ى سه‌رۆك حكومه‌ت عراقى ئه‌وه‌ خسته‌ دروو ك گوايا عبادى داواى سه‌ردان عه‌لى سيستانى مه‌رجه‌ع باڵاى شيعه‌ كردوێد له‌ وه‌خت سه‌ردانه‌گه‌ى ئه‌را نه‌جه‌ف.

 

به‌ياننامه‌ێ نويسينگه‌ى سه‌رۆك حكومه‌ت ك شه‌فه‌ق نيوز ئاگادارى بوى، وت: خشته‌ى عبادى ئه‌را سه‌ردان نه‌جه‌ف ئاماده‌ كرياگه‌ ئه‌را وه‌سه‌ركردنه‌وه‌ى ده‌زگايه‌يل حكومى و بارودوخ هاووڵاتيه‌يل و سه‌ردان خيزان شه‌هيده‌يل له‌ پاريزگاگه‌و هه‌ر دعايه‌يگ له‌ى باوه‌ته‌و دويره‌ له‌ڕاسى.

 

به‌ياننامه‌گه‌ وتيش: جى داخه‌ بڕيگ له‌ هووكاره‌يل ره‌سانن خه‌وه‌ر دروو هه‌ڵوه‌سن وه‌ناو مه‌رجه‌ع ئايينى و له‌هه‌مان وه‌خت ئيچنه‌ هه‌واڵه‌يليگ وه‌ دروو ئه‌خه‌يم و داوايش له‌ هووكاره‌يل ره‌سانن ئه‌كه‌يم وه‌ مسداقيه‌ت كار بكه‌ن و خه‌وه‌ر له‌ سه‌رچه‌وه‌ى متمانه‌دار وه‌ربگرن وه‌تايبه‌ت ئه‌و هه‌واڵه‌يله‌ ك په‌يوه‌سن وه‌ مه‌رجه‌ع باڵاى ئايينى.