هــــه‌واڵ كــوردى
هه‌ولێر له‌باره‌ى خراوبوين دووسى وه‌ل به‌غدا وشدارى دا

هه‌ولێر له‌باره‌ى خراوبوين دووسى وه‌ل به‌غدا وشدارى دا


شه‌فه‌ق نيوز/ وه‌رپرسه‌يل كورد وشدارى دان له‌باره‌ى خراوبوين دووسى له‌ ناونى به‌غدا و هه‌ولێر وه‌ گووره‌ى ئه‌و هه‌واڵه‌يله‌ ك باس له‌ پيشڕه‌وێ حه‌شد و بته‌وكردن توانايه‌يل سه‌ربازى ئه‌كه‌ن ئه‌را شار ئاڵتون كۆپرى نزيك وه‌ هه‌ولێر.

 

هه‌ڵگورد حكمه‌ت قسه‌كه‌ر وه‌ناو پێشمه‌رگه‌ ئاماژه‌ وه‌ ئه‌وه‌ كرد ك هه‌رێم چه‌وه‌ڕێ جواو به‌غدا ئه‌كا له‌ باوه‌ت ئه‌و پيشنياره‌يله‌ ك پيشكه‌ش كريانه‌ له‌ى دانيشتنه‌يل دوياخره‌ له‌ناونى ليژنه‌يل ته‌كنيكى هه‌ردوگلا.

 

له‌لايه‌ن خوه‌ييشه‌و، وڵاته‌يل يه‌كگرتگ له‌نوو له‌ زووان دۆغلاس سێلمان باڵوێزى له‌ به‌غدا ئاماژه‌ وه‌ هه‌ڵه‌په‌ڵه‌ كرد ئه‌را ئه‌نجامداين گفگتگوو له‌وه‌ر كووتاييهاوردن وه‌ قه‌يران ناونى هه‌ردوگ حكومه‌ت ناوه‌ند و هه‌رێم.

 

له‌ وه‌رانوه‌ر ئه‌وه‌ هه‌واڵه‌يليشه‌ له‌بان هه‌رێم، جواو به‌غدا ئه‌وه‌ بوى ك حكومه‌ته‌گه‌ى دڵنيايى دا وه‌ ئه‌وه‌گ مه‌ترسى له‌بان ده‌سكه‌فته‌يل ده‌ستوورى كورد نيه‌و ئاشكراى حورمه‌تناين له‌ قه‌واره‌ى كورد كرد ك له‌لايه‌ن ده‌ستوور عراقيه‌و ئاماژه‌ كرياگه‌ وه‌ل وه‌رده‌وامى له‌ مامڵه‌كردن وه‌ليا جوور قه‌واره‌يگ ته‌نيا نه‌ك وه‌ل پاريزگايه‌يل.

 

جى باسه‌، له‌باره‌ى مه‌سه‌له‌ێ داين مووچه‌يش، حه‌يده‌ر عبادى سه‌رۆك حكومه‌ت وت: ئى مه‌سه‌له‌يشه‌ فه‌ره‌ج ئه‌دێ وه‌ مه‌رج ته‌سليمكردن نه‌فت.