حه‌شد شه‌عبى له‌باره‌ى خوه‌يكيشانه‌وه له نه‌ينه‌وا ئاشكراكردنيگ دا
هــــه‌واڵ عــیراق
حه‌شد شه‌عبى له‌باره‌ى خوه‌يكيشانه‌وه له نه‌ينه‌وا ئاشكراكردنيگ دا
شه‌فه‌ق نيوز/ جه‌واد كازم وه‌رپرس حه‌ره‌كات له فه‌رمانده‌يى حه‌شد شه‌عبى، ئه‌و هه‌واڵه‌يله خسته دروو ك رووژه‌يل گوزه‌يشت بڵاو كريا له‌باره‌ى خوه‌يكيشانه‌وه‌ى هيزه‌يل حه‌شد شه‌عبى له كه‌رت نه‌ينه‌واو وت: ئه‌وه‌گ روێداگه ته‌نيا دوباره بڵاوكردنه‌وه بويه ئه‌و كه‌رته‌يله وه ريككه‌فتن وه‌ل سه‌ركردايه‌تى فه‌رمانده‌يى هاوبه‌ش.
كازم له لێدوانيگ له‌بان ماڵپه‌ڕ حه‌شد شه‌عبى وت: ئه‌وه‌گ له‌ى دوياخره باس كريا له‌باره‌ى خوه‌يكيشانه‌وه‌ى هيزه‌يل حه‌شد شه‌عبى له كه‌رت پاريزگا نه‌ينه‌وا دويره له‌ڕاسى و هويچ كرده‌وه‌يگ خوه‌يكيشانه‌وه نيه له‌و كه‌رت ناوبرياگه.
جى باسه، زويتر هووكاره‌يل په‌يوه‌ندى كۆمه‌ڵايه‌تى باس له به‌ڵگه‌يگ كردن له ئه‌‌بو مهدى موهه‌ندس جيگر سه‌رۆك ده‌سه‌ى حه‌شد شه‌عبى ئه‌را گشت فه‌سيله‌يل حه‌شد ك خوه‌يان بكيشنه‌و له‌گشت كه‌رته‌يل سه‌ر وه پاريزگاى نه‌ينه‌وا و به‌تاڵكردن موسڵ له هه‌ر هيزيگ سه‌ر وه حه‌شد و ته‌سليمكردنى وه ده‌س هيزه‌يل عراقى هاوبه‌ش و سوپا.
